Qatserisartup arnaq imaanit annaakkaa

Sisimiuni qatserisartut arnaq 18-nik ukiulik imaanit annaappaat arfininngormat.

Sisimiut umiarsualiviani arfininngormat qatserisartoqarnera innuttaasunit tupigisuutigineqarpoq.

Arnaq imaanut nakkarsimasoq qatserisartunit annaanneqarpoq. Arnaq 18-nik ukiulik imaanut nakkarnikuugaluarluni ajunngitsoq politiinit ilisimatitsissutigineqarpoq.

Pisoq pillugu arfininngornerup unnukkuani politiit paasitinneqarput.

- Qatserisartut arnaq 18-nik ukiulik imaanit annaakkaat ilisimatitsissutigisinnaavarput. Imaanit qaqinnerareersoq napparsimaviliaanneqarpoq. Napparsimavimmeereerluni akunnerit arlaqanngitsut qaangiummata napparsimavimmit angerlarpoq, maannalu pineqartoq ajunngilaq, Sisimiuni politiinit Karl Jørgen Lennert Sermitsiaq.AG-mut oqarpoq.

Arnaq imaanut qanoq pisimanersoq politiinit ilisimatitsissutigineqarusunngilaq.

Powered by Labrador CMS