kommunimut pilersaarut
Qatserisarfik illoqarfiup qeqqaniit peerneqassaaq
Nuummi qatserisarfik naluttarfiuk Maliup ikuallaaviullu eqqaannut nuunneqassaaq
Qatserisartoqarfiup ornigutipallattarnera – ikuallattoqalernerani ornigutipallassinnaaneq – massakkut inissisimaffigisaaniit erngertumik ornigussinnaanera unammillernartoqarpoq. Qinngorpumimi ungasinnerusumi najugaqarfinnut ungasippallaarpoq.
Atortussanik ilioraaviorsimasoq qatserisarfiup taarsissavaa
Illoqarfiup ilaatut – Siorarsiofik – pilersitsinissamut pilersaaruteqarnerup, qatseritsartoqarfiup nuunneqarnissaa pingaaruteqarneruliinnarpoq.
"Kommunimut pilersaarut 2028 Kommuneqarfik Sermersooq" siunnersuummi, qatserisartoqarfiup sumi inissisimanissaa erserpoq.
Qunnersuarmi tassani, Qinngorput aqqutaani, inuussutissarsiuutinut sanaartorfiunissaa pilersaarutaavoq.
Paaqqinnittarfiit ataatsimoortut
Massakkut qatserisarfiup inigisaani meeraaqqerivimmik meeqqerivimmillu sanaartornissaq pilersaarutaavoq. Inissarlu ima annertutigimmat allaat quleriaanik inissialiortoqarsinnaasoq, kommunimut pilersaarummi erserpoq.