Skip to main content

Qatanngutigiit Ilulissani nutaamik akunnittarfiliornissaq siunniukkaat

Ilulissani inuussutissarsiortut, Frank aamma Tommy Bagger, Ilulissani akunnittarfimmut nutaamut nutaaliaasumullu aningaasanik millioninik pingasunik kisitsisitalinnik aningaasaliiniarput. Akunnittarfissaq sisamanik ulloriaasalittut nalunaarsorneqarnissaa neriuutigaat

Takornariat ukiuni makkunani Ilulissanut tikerarput, ukiunilu aggersuni takornariarpassuaqalernissaa naatsorsuutigineqarpoq. Tamanna akunnittarfinnut aningaasaliiniartunik pilerilersitsivoq. Taakkua akornanniipput qatanngutigiit Frank aamma Tommy Bagger, Ilulissani nutaaliaasumik akunnittarfiliornissamut 110 aamam 120 millioner koruuninik aningaasaliissuteqarniartut, Sermitsiaq allappoq.

Taamaalillutik Kalaallit Nunaanni akunnittarfiutillit annerpaartaasa ilaattut inissisimalissapput.
Avannaani aningaasaliisut taakkua marluk Kâlêraq Poulsenip Aqqutaani akunnittarfik Hotel Ilulissat tallimanik quleriilik apriilimi maajimiluunniit 2021-mi ammarneqassasoq ilimagaat. 

Akunnittarfik 78-inik initalik, arlalinnik minnerumaanik ataatsimiittarfilik neriniartarfilillu pineqarpoq. Ineeqqat ilaat marluk ineerarujussuussapput tamarmik immikkut 50 kvadrtameterinik angissusillit, Frank Bagger tanngassimaarpasilluni oqaluttuarpoq. 

Nittarsaassinissaq

Akunnittarfik Ilulisani illoqarfiup qeqqani qiterpasissumik inissisimaffeqassaaq. Ineeqqat ilarpassuinit akunnittarfiullu qaavani aneerasaartarfimmit angisuumit illoqarfimmut, Ilulissat Kangiannut aamma Qeqertarsuup Tunuanut isikkiveqassaaq. 

- Illoqarfimmi portunerpaami akunnittarfiliornissaq sivisuumik takorluugarisimavarput. Sanasoq assaanermik suliaqarluni aallarteqqammerpoq. Kisianni 2019-imi ukiakkumiit akunnittarfik nunarsuaq tamakkerlugu nittarsaatileriissavarput, taamaalilluta 2021-mi aasakkut takornariaqarnerpaaffiata nalaani ineeqqat tamakkerlugit tunereersinnaaniassagatsigik, pisortaq Frank Bagger oqarpoq.

Illoqarfimmi portunerpaajussagunartoq

Akunnittarfiup qaavani aneerasaartarfissuaq akunnittarfimmi najugaqartunit tamanit atorneqarsinnaassaaq. 

- Taassuma pilerinassuseqartitsilluartuunissaa ilimagaara. Akunnittarfiup qaavani aneerasaartarfimmit Ilulissat Kangiat Qeqertarsuullu Tunua tamakkerlugu iluliarpassualimmut kusanarluinnartumik isikkiveqassaatit. Aneerasaartarfik akunnittarfiup qaavaniittoq Ilulissani portunerpaajussagunarpoq, Frank Bagger oqarpoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER