Qasigiannguit imartaata sikua saappallaartoq
Qasigiannguani politiit innuttaasut sikumukannginnissaannik kaammattuipput.
Annonce
Qasigiannguit kaajallallugu imaq saatsunnguamik sikusimavoq.
Qasigiannguanilu politiit innuttaasut sikumukannginnissaannik kaammattuipput, allamik nalunaartoqarnissaata tungaanut.
Kalaallit Nunaanni Politiit tusagassiutinut nalunaaruteqarlutik taama allapput.
- Ukiup taamaalinerani sikup aserortilernissaanut aarlerinartoqarnera nalinginnaasuunngilaq, tamatumunnga pissutaannguatsiarpoq aputip saattunnguanngorluni sikumut pisimanera, silallu qerinnalaarsimanera, Camilla Palmann, Kalaallit Nunaanni Politiini attaveqatigiinnermik suliaqartoq, tusagassiutinut nalunaarummi allappoq.