Qasigiannguani nakuusertoq ulorianartoq tigusarineqartoq

Angut ulorianartutut nalilerneqartoq tigusariniarlugu Kalaallit Nunaanni Politiit ippassaq Qasigiannguanut navianartunut orniguttartunik aallartitsipput. Politiit Facebookimi quppernerminni taama allapput.

Politiit oqarnerat naapertorlugu, angut pineqartoq toqutseriarnermut peqataasimavoq aammalu pinerlineqartumut peqqarniitsumik nakuusersimalluni. Taassuma kingorna pinerlineqartoq toqunniarlugu sioorasaarsimallugu, pisoq politiinut nalunaarutigissappagu. Taakku saniatigut pinerluttup politiit sioorasaarsimavai.

Angut pineqartoq ippassaq unnukkut tigusaavoq.

Qasigiannguani politiit suliaq maanna misissorpaat.