Skip to main content

Qasigiannguani aalisakkerivik sikuneranit eqqorneqanngilaq

Royal Greenlandip Qasigiannguani aalisakkeriviata sulisuni 150-it apriilip naanerata tungaanut suliassaqartippai

Aasianni kilisaatit ukiuunerani sikunerata kinguneranik avalassinnaanngillat, soorlu aamma qalerallit avataanit ukiarmi tulaanneqartut tunisassiarineqarlutik maanna nungulersut.

Taamaammat aalisakkerivimmi sulisartut 100-t suliassaarunnertik pissutigalugu utaqqiisaangallartumik marlunngorpat angerlartinneqassapput.

Kisianni Aasiaat illoqarfittut qanitaani, Qasigiannguani, pissutsip allaapput. Qasigiannguanimi aalisakkerivimmi qaleraliuteqarluarput aapriilip naanerata tungaanut saaneeraajarlugit tisasinnaasaminnik.

Atuaruk: Sikunerata pissutigisaanik Aasianni fabrikki matugallassaaq

Suli qaleralinnik 470 tonsinik peqqumaateqarput
Royal Greenlandip Qasigiannguani aalisakkeriviani pisortaq, Frank Hagen, Royal Greenlandimut nassuiaavoq, aalisakkerivik tunisassiassaminik qaleralinnik iluitsunik qerisunik pilersorneqarsimasoq.

- Kilisaatip Tuugaaliup novemberimi decemberimilu qaleralinnik 800 tonsinik pilersorpaatigut. Tassalu taakku maanna nioqqutissiassatut suliareqqippavut.

Qasigiannguani aalisakkanik tunisassiorfiup aalisariutinit, umiatsiaararsortunit aammalu Royal Greenlandip kilisaataataannit tunisassiassanik nalinginnaasumik pilersorneqartartup qalerallit 2.000 tonsit qeritissinnaavai.

- Ajoraluartumik nioqqutissiassat januarimi assartugassat sikunera pissutigalugu Royal Arctic Linep apuutinngitsoorpai. Kisiannili qaleralinnik 470 tonsinik qerititsivimmiititaqarpugut. Taakku peqqumaasiviimmititat atorlugit apriilip naanissaata tungaanut sulisut 150-iusut suliassaqartissinnaavagut, Frank Hagen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER