Qarasaasiami programmi atorlugu tamatigoornerusunik nuilarmiuliortoqarsinnaavoq
Kalaallisuuliornermi Ilinniarfimmi ilinniartut nuilarmiunik ilusilersuinerminni programmi immikkut ittoq atortarpaat. Piumasaraarput nammineq piorsaassasut, ilinniarfiup pisortaa oqarpoq.
Kalaallisuuliornermik Ilinniarfimmi ilinniartut sapangaaqqerinermi programmi assilissanik suliaqarnermi appimut Paintimut ilaasoq atortarpaat.
Ilinniarfiup pisortaata Kirstine Berthelsenip Arnanut oqaluttuaraa programmi ilinniartunut pingaaruteqarsimaqisoq.
- Ilinniartuutivut nammineq allassaminnik ilusilersuisussaapput – tamanna naatsorsuutigaarput. Taamaaliornikkut allat immikkuullarissut allatoqqanit assiliinerunngitsut pinngortarput, Kirstine Berthelsen oqarpoq.
Qarasaasiami programmi 2002-mili Hans Heilmannimit Sisimiuni Arnat Ilinniarfiani aasarsiortumit pilersinneqarpoq. Ullumikkut Qeqqata Kommuniani allaffimmiutut sulivoq.
- Suleqatima pania apersortittussaavoq nuilarmioqartariaqarluni. Taamaattumik qarasaasiakkut allaliornissannik isumassarsivunga taannalu malillugu mersorlugu. Unnummi ataatsimi allassai ilusilersorpakka aqaguanilu nuillugu aallartillugu, naak nuilarmiunik nuisisimanngisaannaraluarlunga.
Allaaserineqartoq Arnanumi nutaami saqqummersumi tamakkiisumik atuarneqarsinnaavoq, Arnanumi nunatsinni sapangaaqqerisarneq sammineqarpoq: