Qaraasaasiaq ajoquteqartoq: Innuttaasut aningaasaateqanngitsut
Illoqarfiit pingaarnersaanni innuttaasorpassuit ullumi aningaasarsinngillat, taakku pisortanit ikiorsiissutinik pisussaagaluarput.
Kommunip qarasaasiaasa atortuini ajutoornera pisortanit ikiorsiissutit ullumikkut tunniunneqarnissaat iluatsinngitsoorpoq.
- Tunniunneqartussat pisarnertut ippassaq piareersarneqarput, kisianni qarasaasiatigut ajutoornermi ullaaq manna nuunneqarsimanngillat. Piaarnerpaamik aningaasat nuunneqarnissaat ilungersuutigaarput, kingusinnerpaamik aqagu, Isumaginninnermut aamma Suliffeqarnermut ingerlatsivimmi pisortaq, Isak Nielsen Kleist, Sermitsiaq.AG-mut taama ilisimatitsivoq.
Inissiaatileqatigiiffinnut attaveqarneq
Aningaasarsititsinnginnerit ataasiakkaanut eqqorneqartunut annertuumik ajornartorsiortitsisinnaasut, kommunip ilisimalluaraa, taassuma naqissuserpaa.
- Ajuusaarnartorujussuuvoq. Inissiaatileqatigiiffiit attaveqarfigaagut pisumillu oqaluttuullugit, kinguuaattoorutaasinnaasunullu paasinninnissaat qinnuigalugit, pisortaq ilisimatitsivoq.
Tamatuma saniatigut innuttaasut kingunerisaanik misigisaqartut sullissisuminnut saaffiginneqquneqarput, pisortaq taama siunnersuuteqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...