Skip to main content

»Qaqutiguinnaq pilluarneq tamakkiisumik misigisarparput «

Kalaallit meerartaat siutimikkut anniartartut nunarsuarmi rekortiliipput. Meeqqat tamarmiusut arfineq-aappat siuserisarput. Tamanna ilaqutariinnut erloqinartuusarpoq, tamanna ilisimatusaatigalugu suliniummi nutaami takutinneqarpoq.

Annernartorujussuusinnaasarpoq. Kissarneqalersitsilluni, eqqissisimajunnaartitsisarluni,  sinnarliortitsilluni aamma tusillatsittoqartarluni. Ajornartorsiullu annertuvoq. Nunarsuarmi nunani tamarmiusuni Kalaallit Nunaanni siuserineq ajornartorsiutaanerpaavoq.

Aviisi AG taama allappoq.

Ilaasortanut atuagassiami Nakorsanut kingullermik saqqummersumi, Kalaallit Nunaanni nakorsat peqatigiiffiannit, Grønlands Lægekredsforeningimit 300-nngorlugu saqqummersinneqartartumi, ilisimatusaatigalugu suliniut nutaaq eqqaaneqarpoq, tassani pineqarluni angajoqqaat misigisaannik aamma qitornamik nappaataata taassuma passunneqartarnera pillugu nassuiarneqarniarluni.

Misissuinermi angajoqqaat 27-t, ilisimatusartunit apersorneqartut, ilaatigut oqaasii arlaqartut issuarneqarput. Atuarneq nuanninngilaq:

- Sunniuteqarpoq annertoorujussuarmik, qaqutiguinnaq pilluarnerujussuaq misigisarparput, pissutigalugu erloqinarsisarmat uagullu qasuuittarluta. Aamma ulloq unnuarlu qiasoqartarneq, aap, nuannaarnermik misigisaqarneq sunnertarpaa, taavalu ilaqutariit tamarmik sunnerneqartarlutik, taavalu uagut nuannaarunnaavinnerulersarpugut, angajoqqaaqatigiit oqaluttuarput.

Angajoqqaat allat siuserisartumik qitornallit nassuiaapput pisoq pissutigalugu kiserliulernertut ittumik misigisaqalersarlutik.

- Siornatigut illoqarfimmi arlaannik aaqqissuussisoqaraangat, soorlu assersuutigalugu timersortarfissuarmi, taava peqataasarpugut. Kisianni tamakkununnga ornigutissaarpugut, aammattaaq nalliuttunut kaffillertunullu ornigutissaarluta. Kisimiiginnangajattarpugut.

Aviisimi AG-mi atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER