Skip to main content

Qaqqat sisoorfioratarsinnaasut ulorianartut misissorneqarput

GEUS uani aasaanerani sumiiffiit 18-it qaqqap sisoorfigeratarsinnaasaanik paasisaqarfiusimasunik misissuinini aallartissavaa

Karrat Kangerluanni ukiut marluk matuma siorna tassaarsuaqarnerata kingorna, qaqqat sisooratarsinnaanerannik GEUS misissuivoq.

Misissuineq pingaarnertut nunap assinginik atortut, silaannarmit assilisat, assit aamma qaammataasanit paasissutissat tunuliaqutaralugit ingerlanneqarpoq, sumiiffiillu 18-it misissoqqissaarneqarnissaat inerniliunneqarpoq.

Sulinerlu taanna massakkut aallartippoq, ukiunilu marlunni tulliuttuni ingerlanneqassalluni. Misissuineq illoqarfiit aamma nunaqarfiit qaqqat sisooratarsinnaaneranut tassaarsuaqaratarsinnaaneranullu eqqorneqarsinnaasut nalilersuiffigineqarnissaannik inerneqassaaq.

Ornigulluni misissuineq

Juulimi aamma aggustimi sumiiffinni 18-ini misissuilluni sulisoqassaaq.

- Ornigullunilu misissuineq qulimiguulik atorlugu pissaaq, sumiiffiit navianaateqarsinnaasut sivikitsumik tikinneqartassallutik, kiisalu assiliisoqassaaq 3D-millu assiliortoqassalluni. Silap pissusianik misissuivinnik sumiiffinni taakkunani ikkussuisoqassaaq, qaqqami silap kiassusia ilaatigut ingerlaavartumik malinnaaffigineqassalluni, paasissutissallu GEUS-imut nassiunneqartassallutik, GEUS nittartakkamini taama allappoq.

- Ornigulluni misissuinernut piareersarnertut qaammataasanit misissuinerit pissapput, taakkunani ukiuni kingullerni qaqqani nikittoqarsimanersoq takuneqarsinnaavoq. Sumiiffinni navianartorsiorfiusuni qaammataasamit misissuinerni imaluunniit ornigulluni misissuinernit nikittoqarneranik takussutissaqarfiusuni, radarimik angallatakkamik misissuisoqassaaq, sukkassutsimik aamma aalanerit taakku sukkatsikkiartornerisinnaasaanik uuttortaasoqassalluni.

Seismologimik uuttortaaviit

Tamatuma saniatigut GEUS-ip Pinngortitaleriffik suleqatigalugu Vaigat aamma Saqqap eqqaani immap naqqanik uuttortaaniarpoq. Tassaarsuaqarnerani mallip qanoq ingerlasinnaaneranik tamanna pingaarutilimmik ilaatigut paasissutissarsiffigineqassaaq. Tamatuma saniatigut siornatigut sisoorfiusimasut pingaarutilinnik paasissutissaqarsinnaassapput.

Pingajuattut seismologiskinik uuttortaaviit Qeqertarsuup Tunuani-Uummannamilu sisamanit arfineq-marlunngortinneqassapput, ataaserlu nuunneqassalluni.

- Qaqqap sisoornera annerusoq 100 kilometerinit ungasinnerusumit nalunaarsorneqarsinnaavoq, uuttortaaviillu amerlanerit nunap immikkoortuani tassani inissinneqarpata, qaqqap sisoortup sumiiffia aamma piffissaa naatsorsoruminarnerussapput.

Placeringen af de 18 lokaliteter, der skal undersøges
GEUS
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER