Qaqortumi qaartitsisoqarnerani ajutoorneq
Qaartitsinermi ajutoortoqarnerani inunnik ajoqqusertoqanngilaq
Annonse
Qaqortumi erngup aqqutaanik suliaqarnermut tunngatillugu qaartitsinermi ajutoortoqarpoq.
- Qujanartumik inunnit ajoqusertoqanngilaq kisianni atortut ajoquserneqarlutik, Nukissiorfiit allapput.
Entreprenørip suliaqarnermut akisussaasup maannakkut misissorpaa ajutoorneq qanoq pisinnaanersoq kiisalu ajutoornermik eqqorneqarsimasut qanoq taarsigassarsitinneqarsinnaanersut misissorneqarluni.
Tamanna pisimasoq politiinit uppernarsarneqarpoq.
- Politiit suliamut tunngatillugu nalunaarfigineqarput nalunaaqutaq 11.00-ip eqqaani. Ujaqqat igalaat eqqorpaat, atuartut inaat igalaavi aserorneqarlutik. Ilinniartut ineqarfiat qujanartumik inoqanngilaq, taamaattumik ajoqqusertoqanngilaq, politiinit Julie Senderovitz Bendtsen Sermitsiaq.AG-mut oqarpoq.