Qaqortumi politiit takunnissimasunik ujaasipput
Unnuaq politiit biilinik apuisoqarsimaneranik nalunaarfigineqarput. Takunnissimasinnaasunik politiit ujaasipput biilertoq apuereernerup kingorna qimaassimammat, politiit Facebookimi taama allapput.
Annonse
Angut utoqqat aqqusinermi Storesøvejimi aportissimasoq nalunaaqutaq 03.15 missaani politiit nalunaarfigineqarput. Apuisoq politiinut nalunaaruteqaqqaarnani biilinik ingerlaqqiinnarsimammat politiit takunnissimasunik ujaasipput.
Ajutoornermi takusaqarsimaguit aquttorluunniit ilisarisimagukkit politiinut uunga saaffiginnissinnaavutit: 70 14 48 politeeqarfimmulluunniit saaffiginnillutit.