Qaqortumi mittarfiliorneq pilersaarutit malillugit ingerlavoq

Qaqortumi mittarfimmut pilersaarusiorneq pilersaarutit malillugit ingerlavoq, Kalaallit Airports ilisimatitsivoq.

Kalaallit Airportsip Qaqortumi mittarfiliortoqarnissaa puigorsimanngilaa.

Kalaallit Airportsimi pisortaaneq Peter Wistoft, ilisimatitsivoq Nuummi Ilulissanilu mittarfissuassat 2023-imi ukiup kuartiisa sisamaanni naammassineqarpata Qaqortumi suliniut ilanngullugu naammassinissaa naatsorsuutigineqassappat, tassa Nuummi Ilulissanilu mittarfiit naammassineqarnerisa nalaanni, taava sanaartugassaq aappaagu suliariumannittussarsiuunneqassasoq.

- Sanaartornikkut suliniut mikinerunera aamma inissisimaffissaani mittarfiup ingerlanneqarnera eqqarsaatiginagu, suliassanik suliassinneqartussaq akornuserneqanngitsumik sulisinnaanermik periarfissaqarnera pissutaallutik, Qaqortumi mittarfissap pilersaarusiornera kingusinnerusukkut aallartinneqassaaq, pisortaaneq Peter Wistoft oqarpoq.

Mittarfik 1500 miiterisut takissuseqassaaq timmisartoqarfeqassallunilu. Mittarfik 30 miiterisut silissuseqassaaq. Timmisartoqarfimmi angalasut utaqqisarfeqartinneqassapput, sullissiveqassallunilu immikkullu napasuliaqassalluni. Mittarfiup isui tamarmik timmisartup minnissaanut iluaqutissanik atortulerneqassasut, timmisartoqarfiutileqatigiiffik nittartakkamini ilisimatitsivoq.

Powered by Labrador CMS