Qaqortumi inuit marluk teriannianit kiineqartut

Akunnerup naanerani Qaqortumi innuttaasut marluk teriannissanit assigiinngitsunit marlunnit illoqarfimmi kiineqarput.

Inuit kiitittut tamatuma kingorna napparsimmavimmi katsorsarneqarput.

Nalinginnaasumik inunnut qanillattorneq ajornerat pissutigalugu, teriannissat perlorortuusinnaanerat ernumassutigineqarpoq.

Teriannissat aallaaneqassapput
Tassunga atatillugu Kommune Kujalliup innuttaasut mianersorniarlutik iliuuseqaqqullugit qinnuigai:

• Terianniat qanillinngilluinnarsigit. Terianniamit saassunneqaraani piaarnerpaamik napparsimavimmut saaffiginnittariaqarpoq.

• Qaqortumi eqqaanilu terianniat toqorarneqassapput.

• Uumasut allat (qimmit, qitsuit, savat, hiistit) nalinginnaanngitsumik pissusilersornerat uumasut nakorsaanerannerannut imaluunniit Qaqortumi uumasut nakorsaannut nalunaarutigineqassapput.

• Terianniat inoqarfiit eqqaanni nerisassarsioqqunagit nerineqarsinnaasut tamarmik illumut eqqunneqassapput.

• Uumasut perlerornermut akiuussutissinneqanngitsut akiuussutissamik kapineqartariaqarput. Uumasup akiuussutissamik kapineqarnissaanut piginnittoq akisussaavoq.

• Qimmit angalaannartut akiuussutissinneqarnerannut uppernarsaatitaqanngitsut erngerlugit toqunneqassapput.

Oqartussat attavigikkit
Kommunip innuttaasut Qaqortumi politiit oqarasuaat 70 11 22-mut imaluunniit kommunimi ingerlatsinermut pisortaq, Anders Mathiesen, oqarasuaat 64 22 98 / 53 06 11-mut teriannissamik qimminik uumasuutinillu allanik eqqumiilliortunik takugaanni saaffigineqarnissaat qinnuigai.

Atuaruk: Uumasut peqqarniitsumik toqunneqartartut nunamullu igiinnarneqartartut