Skip to main content

Qaqortumi ikuallattoqarnera: Najugaqartut arlallit pigisatik tamaasa annaasimavaat

Inissiat mikinerusut pingasunngormat ullaakkut ikuallammata, najugaqartut arlallit allamut inissinneqarsimaput.

Qaqortumi inissiat mikinerusut pingasunngormat ullaakkut ikuallammata, najugaqartut arlallit angerlarsimaffeeruteriasaarsimapput.

Qaqortup politeeqarfiani politikommissæriugallartoq Kunuk Jakobsen taamatut oqaluttuarpoq:

- Inissiaq ikuallaffiusoq nunguvilluni ikumasimavoq. Qatserisartut qamitsivinniarlutik inissiallu ilaanik isaterillutik suli suliaqarput, politikommissæriugallartoq pingasunngornermi ullup-qeqqata siornatigut Sermitsiaq.AG-mut oqarpoq.

Taassuma erseqqissaatigaa, ikuallattoqarnerani inunnik ajoqusertoqarsimanngitsoq.

Politikommissærip ilanngullugu ilisimatitsissutigaa, inissiaatileqatigiiffik INI suleqatigalugu ikuallattuni najugaqartut allanut inissinneqarsimasut, najugaqartullu ilaasa angerlarsimaffitsit pigisatillu tamaasa annaasimagamikkit ikiorserneqarnissaat sulissutigineqartoq.

Ikuallaneq sumi aallartissimanersoq ilisimaneqartoq

Kunuk Jakobsenip ikuallattoqarneranut pissutaasoq eqqarsaatigalugu oqaatigaa, politiit inissiami sorlermi ikuallattoqalersimanersoq pasitsaassimagaat.

Inissiani najugaqartut maanna apersorneqassapput, politiillu ikuallannerup sumi aallartissimasinnaanera paasiniarlugu misissuiniarput.

Qatserisartut politiillu ikuallassimasumiittut.
Nina-Vivi Møller Andersen / Sermitsiaq.AG
Qatserisartut pingasunngornermi ullup-qeqqata siornatigut suli ikuallaffiusumi suliaqartut.
Nina-Vivi Møller Andersen / Sermitsiaq.AG
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER