Qaqortumi apummik sisoortoqarnerani illut sisamat eqqorneqartut
Aput sisooqqeratarsinnaanera aarlerisaarutigineqarpoq, innuttaasullu sumiiffimmukannginnissaat inassutigineqarluni.
Qaqortumi apummik sisoortoqangaatsiarnerani illut sisamat biilillu ataatsit eqqorneqarput. Inunnik ajoqusertoqanngilaq.
Ullut arlerlugit nittaallunilu anorlereersorlu Hastrupsvejip eqqaani qaqqami aputeqangaatsialersimavoq, ataasinngornermilu ualikkut nalunaaqutaq 17.20 aput sisoorpoq. Illut sisamat apummit sisoortumit eqqorneqarput biilillu ataatsit sisoorunneqarlutik. Biilit ilaasoqanngilllat, ilaasui nioqqammersut aput sisoorsimammat.
Qaqortumi politiit ilisimatitsipput inunnik ajoqusertoqarsimanngitsoq, illunilu sisamani najugaqartut politiinit attavigineqarsimasut.
Qatserisartoqarfimmi pisortap nalilerpaa sumiiffimmi apummik sisoortoqarsinnaanera suli aarlerinartoq, Qaqortumilu innuttaasut sumiiffimmukassanngitsut, assersuinerup atorunnaarsereernissaata tungaanut.