Qaqortumi akiuussutissalersuinissaq kinguaattoorpoq

Nunatsinni akiuussutissalersuinissami immikkoortup aappaa silap uumisaartuarsinnarpaa. Qaqortumi akiuussutissalersuinissaq sapaatit akunnernik marlunnik kinguartinneqarpoq. Illoqarfiit marluk akiuussutissalersuiffissat pilersaarut malillugu ingerlanneqassapput.

Akiuussutissat pingasunngornermi Qaqortumukaanneqartussaagaluit silap ajornera pissutigalugu tikisinneqanngitsoorput.

Qaqortumi akiuussutissalersuinissaq oqartussanit kinguartinneqarpoq, silammi ajornera pissutigalugu akiuussutissanik nassataqarlutik angalasut kinguaattooratarsinnaanerat aarlerinaateqarmat.

- Akiuussutissat aserussanngikkunik, qerititsivinnit qaqinneqareeraangamik aammalu assartorneqarnissaminnut poortorneqareeraangamik piffissap sivikitsuinnaap ingerlanerani atorneqartussaapput, Namminersorlutik Oqartussat tusagassiorfinnut nalunaaruteqarput.

- Taamaattumik Qaqortumut assartorneqarnerminni ulluni arlalinni ingerlaqqissinnaajunnaarnissaat peqqutigalugu, Qaqortumi akiuussutissamik kapuinissaq ajoraluartumik kinguartinneqartariaqarpoq.

Sisimiuni Aasiannilu akiuussutissalersuilerput

Sisimiuni Aasiannilu akiuussutissamik kapuinissat pilersaarutaasut pilersaarutit malillugit ingerlaqqissapput. Taakku kingorna Qaqortumi akiuussutissalersuisoqassaaq. Tamanna sapaatit akunneri 4-mi pissaaq.

- Kapuinissap kinguartinneqartariaqalernera uggornartorujussuuvoq, kisiannili akiuussutissat tamaangaannassappata suli uggornarnerusussaavoq, ilisimatitsissutigineqarpoq.

Powered by Labrador CMS