Skip to main content

Qaqortoq: Upalungaarsimanermut pisortanngorlaaq tunuarpoq

Qaqortumi upalungaarsimanermut pisortanngorlaaq, qatserisartut atorfinitsinneqarneranut akerliummata tunuarsimavoq.

Qaqortumi qatserisartut qulit upalungaarsimanermut pisortassamik nutaamik atorfinitsitsisoqarneranut akerliullutik soraarsimasut, tallimanngormat saqqummiunneqarpoq. Sulilu amerlanerit soraarniarlutik eqqarsaatigisimavaat.

Kommune Kujalleq arfininngornermi ullup-qetta siorna ilisimatitsivoq, upalungaarsimanermut pisortanngorlaaq, suli sulilerani atorfittaaminit tunuarsimasoq:

- Upalungaarsimanermut pisortassatut neqeroorfigineqartup tunuarnerani qanoq ingerlariaqqittoqarnissaa Teknikkikkut Avatangiisinullu Ataatsimiititaliap aalajangiiffigissavaa.

- Matumanilu erseqqissaassutigeqqikkusuppara Qaqortumi upalungaarsimaneq ernumananngitsoq, Kommuni Kujallermi upalungaarsimanermut pisortaagallartoq Peter Mathiassen tusagassiorfinnut nalunaaruteqarnermi oqarpoq.

Atorfinitsitsinermut akerliulluinnarsimasut

Qaqortumi upalungaarsimasut aqutsisuata Jimmy rødgaard Hansenip tallimanngormat Sermitsiaq.AG-mut oqaluttuaraa, qatserisartut isumaqartut, kommuni angummik sivikitsuinnarmik atorfinitsitsisimasoq:

- Qatserisartoqarnerup iluani suliffippassuaqartarsimavoq. Naluara sooq ilutsittarsimannginnerai. Ilinniartinnissaanulli piffissaq annertooq nukippassuillu atussagutsigit, aamma ukiut marluk pingasulluunniit qaangiuppata suliunnaaqqissappat, taava asuli ilinniartitsisimassaagut aallaqqaataaniillu aallarteqqilluta, Jimmy Rødgaard Hansen oqarsimavoq.

Qatserisartut arlallit soraarsimanerisa nalunaarutigineqarnera, najukkami innuttaasut ernumassuteqartut inuit attaveqaqatigiittarfiisigut oqallisilersimapput.

Upalungaarsimanermut pisortaagallartoq oqarpoq, qatserisartut naammattumik amerlassusillit aggersarneqarnissaminnut piareersimasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER