Qaqortoq: Siku qajannaallivoq
Tasersuarmi angallattoqarsinnaaleqqinnera akuerineqarpoq
Qaqortumi Politiit Qaqortumi Qatserisartut suleqatigalugit Tasersuarmi sikup issussusaa uuttortarnikuuaat.
- Tassungalu atatillugu nalunaarutigisinnaavarput tasersuarmi angallattoqarsinnaaleqqinnera akuerineqarmat, politiit Facebookimi quppernerminni allapput.
Taamaattorli tasersuup qinnguani imeqarfiliallu eqqaani angallannissaq pinaveersaaqquneqarpoq, tassani kuuk ingerlaarmat taamaattumillu siku navianarsinnaammat.
- Sila pissutigalugu siku navianarseqqissagaluarpat angallannerlu pinaveersaaqquneqalissappat nalunaarutigineqarumaarput, ilisimatitsissutigineqarpoq.