Skip to main content

Qaqortoq: Niuertutut ilisimaneqartoq imigassartorsimalluni biilersimasutut unnerluutigineqartoq

Qaqortumi niuertutut ilisimaneqartoq sismanngormat septembarip qulingiluaani unnuakkut aalakoorluni biilerami qulliup napasuanut aporsimavoq. Politiit ilisimatitsissutigaat, unnerluutigineqartup imigassartorsimalluni biilersimanini nassuerutigisimagaa.

Politiit ullormut nalunaarusiaat naapertorlugu, Qaqortumi inuk ataaseq sisamanngormat septembarip qulingiluaani unnuakkut nalunaaqutaq 00.45 imigassartorsimalluni biilersimasutut unnerluutigineqarsimavoq.

Illoqarfimmi niuertutut ilisimaneqartoq biilini Mercedes nutaaq atorlugu biilernermini qulliup napasuanut aporsimavoq. Tusarfiit arlallit naapertorlgut biili ullualuinnannguanik pisoqaassuseqarpoq.

Politiit ilisimatitsissutigaat, angut pineqartoq ajutoorami nammineerluni napparsimmavimmukarsimasoq ajutoorsimaninilu oqaluttuaralugu. 

- Ajutoortoqarneranut atatillu biilip eqqaani nunaminertaq annertooq assiaqusersorneqarsimavoq, tassani biilip hybridunera pissutigalugu aamma biilip atortuisa innaallagiatortut ulorinaateqarsinnaanerat pissutigalugu, politiit ilisimatitsipput.

Ajutoortoqarmat innaallagiaq qamissimasoq

Qaqortumi aqquserngit angallaffiunerpaat ilaanni Augo Lyngesvejimi ajutoorneq pisimavoq. Ajutoortoqarmat illoqarfiup immikkoortortaasa ilaanni innaallagiaq qamimmat Nukissiorfinni sulisut orniguteqquneqarsimapput.

Niuertoq ilisimaneqartoq, aaqqissuisoqarfimmit kinaasoq ilisimaneqartoq, ajutoorneq pillugu oqaaseqarusussimanngilaq.

Kørekortimik arsaarinnittoqarsinnaasoq

Politiit ilisimatitsissutigaa, imigassartorsimalluni biilerneq kørekortimik arsaarinninnermik akiligassinneqarnermillu kinguneqarsinnaasoq.

- Imigassartorsimalluni biilerneq ukiumut isertitat promillillu qanoq annertutiginera tunngavigalugit isertitatigut akiligassinneqarnermik pineqaatissiisoqarsinnaavoq, promillip qanoq annertugiginera aaviinikkut paasineqartarpoq. Aaversinnerup inerneranik pissarsinissaq sapaatip akunnerini pingasuniit sisamanut sivisussuseqartarpoq.

Tamatuma saniatigut imigassartorsimalluni biilersimanermi pineqaatissiissutaanngitsumik pineqaatissiissutaasumilluunniit kørekortiagaanermik kinguneqartarpoq, tassani promillip qanoq annertutiginera apeqqutaasarluni, Kalaallit Nunaanni Politiit ilisimatitsipput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER