Skip to main content

Qaqortoq: Arnaq mianersugaalliorluni toqutsisimasutut unnerluunneqartoq

Tallimanngornerup unnuaani angut 70-inik ukiulik biilinik Qaqortumi aportippoq. Angut aportereernermi kingorna ajoqusernini Nuummut angallanneqarnermini toqqutigai. Maanna arnaq 32-inik ukiulik mianersugaalliorluni toqutsisimasutut unnerluunneqarpoq.

Kalaallit Nunaanni politiit tallimanngonerup unnuaani septembarip 17-ani aportittoqarsimasoq nalunaarfigineqarput. Angut utoqqaq 70-inik ukiulik biilinik aportissimavoq apuisorlu apuiffimminiit ingerlaannarsimavoq. 

- Ilisimannittut nassuiaataasa aallaavigalugit Qaqortumi politiit misissuinermini sapaatiummat arnaq 32-inik ukiulik mianersugaalliorluni toqutsisimasutut unnerluutigisinnaanngorpaat. Arnap killisiorneqarnerani arnaq biilertoq aalakoorsimasoq paasinarsivoq, taamaasillunilu imigassartorluni biilersimasutut aamma unnerluunneqarpoq, politiit tusagassiuutini nalunaaruminni paasissutissiipput. 

Ilaasut marluk aamma unnerluunneqarput

Apuisoq angut 70-inik ukiulik apornerani marlunnik ilaasoqarpoq. Ilaasut suliamut tunngatillugu aamma unnerluunneqarput. 

- Biilini ilaasut marluupput. Tamarmik pingasuullutik inummik ikiortariaqartumik sumiginnaasimanermut unnerluunneqarput, Kalaallit Nunaanni politiit allapput. 

Arnaq apuisimasutut unnerluunneqartoq pisuunnginnerarpoq. Taanna ippassaq sapaami septembarip 19-ani eqqartuussivimmi ualikkut sassartinneqarpoq, tassanilu eqqartuussiviup aalajangiuppaa oktobarip 14-ata tungaanut tigummigallagasanngortinneqassasoq. 

Apuinermiit mianersugaalliorluni toqutsinermut

Politiit apuisimasumik takunnissimasunik tallimanngornerup ualiani ujaasipput. 

Angut aportereernermini ajoqusernermini Nuup napparsimavissuanut arfininngornermi aallarunneqarpoq. Angallanneqartillunilu toqukkut qimaguppoq. 

- Suliap ingerlanerani miasuaalliorluni toqutsinertut suliaq ingerlanneqalerpoq, politiit paasissutissiipput. 

Angutip ilaqutai kalerrinneqareerput. Pasisamut tigusarinnissinnaalernermi innuttaasut politiinut saaffiginnittorpassuit ilisimannittutullu nassuiaasut, Qaqortumi politiit qutsavigerusuppaat. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER