Skip to main content

Qapuppaluk: Kalaallisut podcastiliaq nuannarineqarluartoq

Tusarnaartartut podcastiliaq "Ajunaalernermik Nalunaarut" januaarip sisamaani 2019-imi saqqummersoq nuannarilluarpaat.

“Ajunaalernermik Nalunaarut” immikkoortoq siulleq aallartikkaanni, aqerluusap sukkasuumik pappialamut allappalunnera tusaaneqarsinnaavoq.

Tusagassiortut marluk, Bibi Nathansen aamma Aminnguaq Dahl Petrussen, podcastiliaminnik, featuretut suliaminnik, tassa nipinik perpalunnernillu atuilluni tinguartinnartumik aallakaatitassiornermik, suliaqarnerminni saqqummersitseqqammerput.

Hans Jukku Noahsen suliami teknikeriuvoq, nipinik perpalunnernillu suliaqartuullunilu nipilersuutaanillu immiussisuulluni.

Oqaluttuaq ilisimasassarsiortartumik, Jørgen Brønlundimik taassumallu Tunumi naggataasumik angalaneranut tunngassuteqarpoq. Taassuma allagarsiai ullorsiutaalu malillugit suliaalluni. Kalaallisut.

Podcasti tusagassiortut taakku marluk facebookimi qupperneranni, Qapuppalummi, nuannarineqarluarpoq.

- Tulluusimaarnarpoq, annakkuummernarlunilu. Nutaaliornermi nangiarnartoqalaartarami, nutaaliorneq eqqumiigineqarsinnaasarami. Podcasterput nuannarineqarluarmat tulluusimaarpugut. Tusarnaartutta podcastip kalaallisuujunera nuannaraat, tamannalu suliaqaqqinnissatsinnut nukissanik tunisivoq, Bibi Nathansen oqaluttuarpoq.

Podcast raatiukkut aallakaatitanut assiguvoq. Podcastili nittartakkakkut aaneqarsinnaavoq, piumalleraanni tusarnaarneqarsinnaalluni.

Aallakaatitseriaaseq allaaneq

Aminnguaq Dahl Petrussen Bibi Nathansenilu nunanit allanit podcastinik sulianik tusarnaartarput. Tamarmillu isumaqarsimapput kalaallisuunik podcastinik amigaateqarnarsinnaasoq.

Nunatta Allagaateqarfianik aasaq suleqateqalerput, tassanilu allagaatitoqqanik, assaannarmit allakkanik ullorsiutinillu atuaasinnaasimallunik. Taakkununnga ilaallutik Jørgen Brønlundimut tunngassuteqartut.

- Nunatsinni raatiumik tusarnaartartut amerlagamik. Tusarnaartartut allanik tusarnaarnissaannik periarfissikkusussimavagut. Jørgen Brønlundip allakkat tigusai, allagai ullorsiutaalu karsimiittut takutinneqarput, misissuiffigeriaannaasagut. Nunatta Allagaateqarfianukarpugut aalajangersimasumik suliassatsinnik isummersimanata, Juuluulli oqaluttuassartaa tinguartiffigaarput, Bibi Nathansen, podcastilioqataasoq oqaluttuarpoq.

Tusagassiortut marluk podcasti immikkoortunut marlunnut avissimasoq ukiup affaata iluani, Namminersorlutik Oqartussat kultoorikkut aningaasaliineratigut, suliarisinnaasimavaat.

Tusagassiortutut namminersortutut sulineq ilungersunarsinnaagaluartoq, suleqatigiit suliassaminnik nutaamik isumassarsereersimapput.

Oqaluttuaq alla piareersarneqarpoq

Aallakaatitassiaq tulleq Nunatta Allagaateqarfia suleqatigalugu suliarineqassaaq, tassani allagaatitoqqanik, allakkanik ullorsiutinillu allanik misissuisinnaanerannik akuerineqarsimagamik.

- Ullorsiutit allakkallu aallaavigeqqissavagut. Angut qallunaaq, Upernavimmut 1920-mi aallarpoq. Tassani naapitsivoq, allanngortoqarumaarporlu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER