naalagaaffeqatigiinneq
Qanimut suleqatigiittoqarnissaa nunanut allanut ministerimit pingaartinneqarpoq
Nunamut namminermut naalakkersuisoq qanimut suleqatigineqartariaqartoq nunanut allanut tunngasunut ministeir Kristian Jensen oqariartuuteqarpoq
- Naalakkersuisoq pitsaanerusumik suleqatigilernissaa qilanaaraara, nunanut allanut tunngasunut ministeri Kristian Jensen, Venstre, tusagassiortunik katersortitsinermi oqarpoq.
Ministeri ulluni makkunani Kalaallit Nunaannut tikeraarpoq.
- Issittumi ministerit Alaskami ataatsimeersuarnissaannut peqataassaagut, suliniutigineqartussallu apeqqutaallutik paasinarsissaaq Kalaallit Nunaat peqataatinneqarnerussanersoq, oqarpoq.
Politikkikkut suliassarpassuit
Kristian Jensenip tikeraarnera Vittus Qujaukitsoq suleqatigalugu pilersaarusiugaavoq.
Politikkikkut tunngasunik suliassarpassuaqarput, soorlu Pituffissmmi kiffartuussinissamut sullissinissamut suliassaq, Issittumi politikki, niuernermut politikki kiisalu arfanniartarnermut EU suleqatigalugu suliassat assigiinngitsut.
Ministerip tikeraarnermini naalakkersuisut Anda Uldum, Karl-Kristian Kruse kiisalu Inatsisartuni illersornissamut ataatsimiititaliani ilaasortat ataatsimeeqatigissavaattaaq.