Skip to main content

Qanimut oqartussaaqataanerunermik ujartuisoq

Kommunit siuttuata najukkami ataatsimiititalianik amerlanerusunik pilersitsisoqassasoq neriuutigaa

Illoqarfinni ataasiakkaani kommunerujussuarni piffiit ilaanni najukkami ataatsimiititalianimk pisariaqartitsisoqarpoq.

Kommunit kattuffianni Kanukokami siulittaasoq, Palle Jeremiassen, ukiortaamut oqalugiaammini taama erseqqissaavoq.

Najukkani ataatsimiititaliaqarnerup tunuliaqutaraa innuttaasunik peqataatitsineq sunneeqataanerlu nukittorsarnissaat, asssersuutigalugu ataatsimiititaliaq kommunalbestyrelsimut tusarniaasooqataatillugu.

Ullumikkullu Kommuneqarfik Sermersooq taamatut aaqqiinermi siuttuuvoq, Tasiilami, Paamiuni Ittoqqortoormiinilu ataatsimiititaliaqaramik.

Assit takukkit: Nunatsinni najukkami ataatsimiisitaliaq siullerpaaq

Soqanngitsoq
Kanukokami siulittaasup erseqqissarpaa, 2009-mi kommunit aaqqissuuteqqinneqarneranni amigaataalersimasoq najukkami ataatsimiititaliat matusinnaagaat, kommunerujussuanngortoqarnerani innuttaasut kommunalbestyrelsillu imminnut ungasinnerulermata.

- Unali ilumoorpoq, innuttaasut ilarpassuisa sumiiffinni oqartussaaqataaneq tassaatitarpaat qinikkanut toqqaannartumik attaveqarsinnaaneq. Tamannarpiarlu ullumikkut aaqqissuussaanermi amigaataasutut erseqqissiartuinnarsimavoq, Palle Jeremiassen erseqqissaavoq.

Najukkami aalajangerneqartartoq
Kommunalbestyrelsit ataasiakkaat namminneq aalajangigassaraat najukkami ataatsimiititaliamik pilersitsissanerlutik.

- Kisianni taamatut ataatsimiititaliaqarnerup qinikkanik sinniisoqarnermut ilanngullugu aalajangersimasumik atugaalersinneqartariaqarnerata oqaluuserineqarnissaanut uanga KANUKOKA-p siulittaasuatut ukiumi nutaami peqataarusuppunga, siulittaasoq erseqqissaavoq.

Atuaruk: 17-nik ukiulik najukkami ataatsimiisitaliamut qinigaasoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER