tusagassiorfinnut tapiissutit
Qallunaat tusagassiorfiisa Nivi Olsen isornartorsiorpaat
Sammenslutningen Danske Medier-ip tusagassiorfinnut tapiissutit tunniunneqannginnerat oqaatigaa Kalaallit Nunaanni tusagassiorfinnut politikkikkut iliuuseqarnertut
Nunatsinni tusagassiorfinnut nuna tamakkerlugu saqqummersartunut Naalakkersuisut pissusilersornerat nunatta avataani uissuummissutigineqarpoq. Maanna kattuffiup Danske Medier-ip Naalakkersuisut sakkortuumik saassuppai: Tusagassiorfiit aningaasaqarnikkut saassunneqarnerat politikkersorneruvoq, taanna oqarpoq.
– Inatsisartuni aalajangerneqarsimagaluartoq tusagassiorfinnut nuna tamakkerlugu saqqummersartunut tapiissutit tunniunneqarumannginnerat tusagassiorfinnut politikkikkut saassussinertut taasariaqarpoq, Ebbe Dal, Danske Medierimi pisortaaneq oqarpoq.
Malinnaavugut
– Kalaallit Nunaanni pisimasoq arajutsisimanngilarput, taamatull eqqunngitsumik iliortoqaraangat malinnaasarpugut, Ebbe Dal erseqqissaavoq, taamatullu oqarpoq qallunaat aviisii ullormut saqqummersartut, atuagassiat, radioqarfiit aviisillu sapaatip akunneranut saqqummersartut sinnerlugit.
Sammenslutningen Danske Medierip tusagassiorfinnut tapiissutit tunniunneqannginnerat pillugu qanoq oqarnera Sermitsiaq normu 36-mi atuaruk uani: