Qallunaat Rumæniamut naligiinnermikkut VM-playoffkampinut ingerlaqqipput

Qallunaat isikkamik arsaallutik nunanut allanut unammisartui Rumæniamut 1-1-erlutik naligiinnermikkut VM-ertoqanissaanut anngunnissamut suli periarfissaqarput.

Unamminerup naammassinissaanut minutsit arlaqarunnaartut Danmark 1-0-mik siuaqqasimavoq. Rumænialu ataatsimik ikinnerungaluarlutik isertitsinermikkut pointinik avitseqatigiinnissaq qulakkeerpaat.

Danmark pointinik annaasaqarluarluni VM-imut anngunniunnerni gruppini aappaattut inissittut akornini pitsaanerpaanut arfineq-pingasut akornanniinnissartik qulakkeerpaat.

Tassa Åge Hareidep unammisartui aappaattut inissittut ilaanni novemberip qaammataani marloriarlutik playoffimik unammissapput.

Danmark sapaatiummat unnukkut Parkenimi ajugaanikkut toqqaannartumik VM-imut anngussimasinnaangaluarput, taamalu pisoqassapput qallunaat ajungaasariaqassapput polenimiulli Montenegromut ajorsartariaqarlutik.

Kisianni Polen Montenegromut ajugaavoq siuttutulli inissinnermigut unammersuarnissamut toqqaannartumik annguppoq.

Unamminerup aallartinneqarnerani Danmark unammersuarnermut peqataasussatut arsaassimanngilaq

Qallunaat rumæniamiut illersuillaqqissui minutsini siullerni 25-ni qaangerniapiloorsimavaat.

Tamatumalu kingorna periarfissat Danmarkimut tulleriinginnalersimapput saassussinnerillu arriitsumik pitsanngoriartorlutik.

Pione Sistop Yussuf Poulsenip tunniussaa tigulluarsimavaa, Celta Vigomilu unammisartoq nunanut allanut unammisartunut suli isertitsisimanngitsoq arsaq isumminnerluppaa, arsallu målit sanioqqutiinnarpai.

Nicklas Bendtner unammineq 33 minutsinik ingerlareernerani periarfissamini siullermi aamma iluatsitsivallaarsimanngilaq.

Christian Eriksenip Bendtner anillaatsikkaluarpaa, Rosenborgimilu unammisartoq isertitseriarnissamini piareersarpallaarpoq pakkineqaannarsimallunilu.

Minutsit sisamat qaangiuttut Bendtnerip arsaq målinut isertikkaluarpaa, kisianni utaqqisutut nalilerneqarluni, tamannalu ersarissumik kukkuneruvoq, rumæniamiumi ataaseq qaangersimanngikkaluarpaa.

Rumæniamiut aamma periarfissaqartarsimangaluarput, taamaattoq måliniittumut Kasper Schmeichelimut ajornartorsiutaasimanatik.

Unamminerup immikkoortuata aappaani Danmark arsaannermik aqutsisuuvoq, Rumæniamiullu naligiinniarsariinnarlutik.

Bendtner ukiuni marlungajanni aallarteqqaartuusanngeriarluni aallarteqqaarnermini isertitserusuuvissimangaluarpoq.

Saassussisartoq niaqqumut siulliuniarsimavoq, siulliuniarneranilu kiataatigut nutsunneqarsimammat isertitseriartussanngorsimallutik.

Eriksenip isertitseriartuuvoq isertitseriarneralu pitsaanermaanngikkaluartoq rumæniamiut måliniittuatalu Ciprian Tatarusanup arsaq assammik attoraluaraa unamminermi nalunaaquttap akunnerarata qaangiunnera arsaq iserpoq 1-0-lerlutillu.

Rumæniamiut Cristian Ganeartaat Bendtnerimut nutsuinermini mianersoqqummik nittarsaaffigineqartoq, minutsit sisamat qaangiuttut aappassaanik mianersoqqummik nittarsaaffigineqarpoq, taamaasilluni minutsini kingullerni 30-ni Danmark ataatsimik ikannerussuteqalerput.

Bandtneri, minutsini kingullerni 20-ni Kasper Dolbergip taarsiinnginnerani, isertitsinissamut periarfissaneqqinnermini arsaq isumminnerlulaarsimavaa.

Naak ataatsimik ikinnerussuteqaraluarlutik minutsit 88-issaanni angummannissaq Rumæniamiuninngaanneersup Ciprian Deac'ip iluatsippaa.

Danmark massakkut novemberip qaammataani VM-imut anngunniulluni playoffimi marloriarlutik unamminisussanngorput. Makitsineq 17. oktober ingerlanneqassaaq.

/ritzau/