Qallunaat partiiata nutaap Nunarput pillugu oqallinneq aallarteqqinniarpaat
Alternativetip politikkimik ineriartortitsinissamut kalaallit qaaqquaat
Københavnimi Kalaallit Illuat suleqatigalugu partii Alternativet maanna politikkimik ineriartortitsinermik taallugu aaqqissuussilerput.
Ataatsimiinnermi apriilip naanerani pisussami, partiip Kalaallit Nunaat pillugu politikkianut ilanngussisoqarnissaa eqqarsaataavoq.
Siumut aamma IA peqataassasut
Alternativetip Nunarput pillugu oqaaseqartartua Nikolaj Amstrupiuvoq, taanna Roger Matthiesenimut taartaavoq. Partiip folketingimi gruppiani politikkikkut oqaaseqartartoq, Rasmus Nordqvist peqataassaaq.
Ataatsimiinneq Kalaallit Illuanni pissaaq, Siumumit aamma Inuit Ataqatigiinnit aggertut politikkumut ineriartortitsinermut isumassarsiuisutut peqataassapput.
Alternativet Folketingimi partii nutaajuvoq, taakku politikkikkut ineriartortitsinernik taasat aqqutigalugit partiimi programmi ineriartortittorujussuusarpaat.
Politikkikkut oqaaseqartartoq peqataassaaq
- Partii isumaqarpoq, kalaallit Danmarkimiittut partiip Kalaallit Nunaat pillugu politikkianut isumassarsiortitseqataallutillu ineriartortitseqataanissaat kajuminnartuusoq, partiip tusagassiortunut siunnersortaa, Rune Langhoff oqarpoq.
