Skip to main content

Qallunaat mittarfissualiussapput

Qallunaat ingerlatseqatigiit Munch Gruppen, Nuummi Ilulissanilu Atlantikoq qulaallugu timmisartuussisartunut mittarfissualiornissamut neqeroornermi ajugaapput.

Qallunaat ingerlatseqatigiiffiat Munch Gruppen Nuummi Ilulissanilu mittarfissualiornissamut neqeroornermi ajugaapput.

Neqeroortut pingasut sapaatit akunnerini arlalinni misissuiffigereerlugit, Kalaallit Airportsip suliassaq kikkunnut tunniunnerlugu ullumi nalunaarutigisinnaanngorpaa.

- Ukiut pingasut sakkortuumik piareersarluni sulinerup kingorna, Nuummi Ilulissanilu mittarfinnut suliniutit suliarineqalerput, Kalaallit Airports A/S-ip siulersuisui ippassaq ataatsimiinnerminni aalajangerput, Ilulissani Nuummilu mittarfinnik taakkununngalu atasunik aqqusinernik il. il. sanaartornermi suliassat, qallunaat ingerlatseqatigiiffiannut Munck Gruppen A/S-imut tunniunniarlugit, pisortaaneq Peter Wistoft, tusagassiutinut nalunaarut naapertorlugu taama oqarpoq.

Pitsaanerpaamik tunniussaqartut

Peter Wistoft ilisimatitsivoq suliarinnikkumallutik neqeroortut pingasut tamarmik neqeroorutaat “pitsaalluinnartuusimapput”, ataatsimulli isigalugu Munck Gruppen “pitsaanerpaamik tunniussaqarsimapput”.

Isumaqatigiissutip annikitsortai inissinniarlugit juuli 2019-ip ingerlanerani isumaqatigiinniutigineqassapput, isumaqatigiissutit Nuummi aggusti 2019-imi atsiorneqarnissaat siunertaralugu. Munck Gruppen A/S taamaattoq, suliat aallarnersaataasut pisariaqartut suliaralugit maannakkut aallartereerpoq, soorlu avatangiisinut pilersaarummik, piffissamut pilersaarummik annikitsortaanik ilanngussisumik, aallartitsinissamullu pilersaarusiornermik suliat, aamma 2019-imi ukiakkut mittarfinni marluusuni aallarnersaataasumik sanaartornermi suliat piviusut aallartinneqassasut​​, ilisimatitsissutigineqarpoq.

Ilulissani upernaaru aallartissapput

Naammassisaqarsinnaaneq aamma aallartitsinissaq sapinngisamik pitsaanerpaajutinniarlugu, aallaqqaammut suliap annertussusaa Nuummi aallunneqarnerpaassaaq, 2020-milu upernaap ingerlanerani, assinganik Ilulissani sanaartornermi suliat annertusarneqassapput.

- Nuannaarutigisorujussuuarput suliassat pilersaarutaasutut aallartinneqassasut, aamma suli pilersaarutaavoq mittarfiit marluullutik 2023-imi ukiup sisamararterutaasa sisamaanni naammassisimanissaat, pisortaaneq Peter Wistoft ilisimatitsivoq.

Taama aalajangertoqarnera isumaqarpoq canadamiut Pennecon Dextor Joint Venture aamma hollandimiut BAM International suliassami neqerooraluarneri itigartinneqartut.      

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER