Skip to main content

Qallunaat meerartaat Kalaallit Nunaat pillugu ima ilinniassapput

Kalaallit Nunaat pillugu ullutsinnut naleqquttumik ilinniartitsissusiornissamut tapiissutit 1 million koruunit tunniunneqareermata suliaq mannakkut aallartissinnaalerpoq

Sermitsiaq.AG sapaatip akunnerata naanerani allaaserisaqarpoq ”Qallunaat meerartaasa Kalaallit Nunaat pillugu annermik ilisimasaqarnissaat pillugu”. Maanna Folketingimit Kalaallit Nunaata muteerniusup ilinniartitsissusiorneqarnissaanut 640.000 koruunit akuersissutigai. Ilinniartitsissutissatut suliniutissamik allaaserisaq ”Kalaallit Nunaat muteerniusoq” Kalaallit Illuutaanni suliniummik ingerlatsisut pisortaat Mille Schiermacher aaqqissuisoqarfimmut itisiliilluni allappoq:

”Suliniummi anguniarneqarpoq qallunaat meeqqat atuarfianni atuartut Kalaallit Nunaat kalaallillu innuttaasut pillugit annermik ilinniagaqarnissaat – Kalaallit Nunaanni pissutsit ullumikkut atuuttut, Kalaallit Nunaanni siornatigut pisut kisiisa pinnagit. Ilinniartitsissutit ullutsinni pissutsinut naleqquttut eqqartorneqarput, qallunaat meerartaasa Kalaallit Nunaanni pissutsinik assigiinngiiaartunik paasisaqarnerunissaannut atugassat.

Qallunaat Nunaanni meeqqat atuarfiini Kalaallit Nunaat pillugu paasissutissani putorujussuaqarpoq. Meeqqat Kalaallit Nunaat pillugu ilinniagaanni nalinginnaasumik takorloortagaannit allaanerusut eqqartorneqartarput ilisimasaannit allaanerullutik. Atortussani pingaartinneqassaaq kalaallit inuiaqatigiivini pissutsit aammali aallaavigineqassalluni Kalaallit Nunaanni muteerniusumi pissutsit suugaluilluunniit, suullu tamarmik ataqatigiinnerat saqqummersinniarneqassalluni ataasiakkaanik saqqummiussiniarneq pinnagu.

Kalaallit Nunaat pillugu ilisimasaqannginnerujussuaq

Suliniut isumassarsiffigineqarpoq qallunaat akornanni ajoraluartumik ilisimasakinnerujussuaq aallaaviulluni. Isumassarsiaq aamma pinngoriartorpoq Kalaallit Nunaat pillugu apeqquteqaatit pitsaanerusut ullutsinnullu naleqqunnerusut aallaaviullutik. Kalaallit Nunaat muteerniusoq pillugu pitsaanermik ilinniartitserusunneq amigaataanngikkaluarpoq, periarfissarli annikippallaarsimavoq. Putoq taanna tassa uagut immerniartussaavarput atortussanik nutaanik pilersitsinikkut.

Ilinniartitsissutissat akeqarnavianngillat internetti aqqutigalugu atorneqarsinnaassapput. Taamaaliornikkut atuarfinnut akeqanngitsumik suliassat, innersuutit, allaaserisat assillu atorneqarsinnaassapput. Atortussat Kalaallit Illuutaannit siammarterneqassapput taassumalu atuarfinnut kiffartuussivianit. Atortussat digitaliunissaannik aalajangiussinermut tunngaviuvoq ajornannginnerusumik nutarterisoqarsinnaammat pisoqalisoornissaallu pinngitsoorneqarsinnaammata.

Atortussat qallunaat meerartaasa atuarfiinut naleqqussagaassapput uagulli kissaatigaarput Kalaallit Nunaanni nukarlerni atuartut atortussanik atorluaasinnaanissaat assersuutinik kalaallisoortunik, soorlu nunap aningaasaqarneranut aamma angallasseriaatsimut tunngasunik atuisinnaassallutik.

Suliniut millioninik tapiiffigineqareerpoq

Suliniut amerlasuunit tapersersorneqarpoq aamma assigiinngitsunit aningaasaliiffigineqarpugut. Aningaasaateqarfiit namminersortut 375.000 koruuninik tapiissuteqarput. Undervisningsministeriap Tips og Lotto-puljea kingulliulluni 640.000 koruuninik tapiissuteqarpoq. Tapiissutit million koruunit qaangereerpaat suliarlu aallartinneqarsinnaanngorluni. Qinnuteqarnerup nalaani politikkikkut kalaallit folketingimut ilaasortaatitaannit marlunnit Sara Olsvig, IA, aamma Doris Jakobsen, Siumut, tapersersorneqarluarpugut. Taakkua Folketingimi issiavimminnit Kalaallit Nunaat pillugu meeqqat atuarfianni pitsaanerusumik atortussaqarnissaannut tapersersorpaatigut. Taamattumik Doris Jakobsen aamma Sara Olsvig angisuumik qujaffissaraavut, taakkua qallunaat meerartaasa Kalaallit Nunaat muteerniusoq pillugu pitsaanerusunik ilisimasaqalernissaannut aqqutissiueqataammata.

Suliassamik aallartitsinissatsinnut qilanaarpugut. Isumassarsiaq ukiut marluk affaata missaannit pissarsiaraarput maannakkullu sulinissamut piareerluta, suliniummik ingerlatsisoq Mille Schiermacher allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER