Skip to main content

Qallunaat arnartaasa aningaasarsiaat marloriaammik qaffasinnerupput

Pisuut illoqarfinni anginerni najugaqarput – Kalaallit Nunaatalu avataani inunngorsimallutik. Agguaqatigiissillugulu qallunaat Kalaallit Nunaanniittut qallunaanit Danmarkimiittunit sanilliullugit akissarsiarissaarnerullutik

Sumi inunngorsimaneq tunngavigalugu akissaasersuineq akerlerineqaqisoq 1964-imi eqqunneqarpoq 1990-imilu atorunnaarsinneqarluni; aaqqissuussaq qallunaat tikisitat nunaqavissunut sanilliullugit akissarsiaginnerunissaannik siunertaqartoq. 

Atorunnaarsitsinermi ukiut 25-it qaangiuttut qallunaat kalaallillu akissarsiaat agguaqatigiissillugit suli – annertuumik – assigiinngissuteqarput. 

Tamanna kisitsisit nutaat Kalaallit Nunaanni naatsorsueqqissaartarfimmeersut saqqummiunneqaqqammersut takutippaat. 

Kisitsisittaaq takutippaat arnaq – Kalaallit Nunaata avataani inunngorsimasoq – agguaqatigiissillugu ukiumut ilanngaateqanngitsumik 344.000 koruuninik aningaasarsiaqartartoq, tassa imaappoq qaammammut 29.000 koruuninik aningaasarsiaqartarluni. Arnarli Kalaallit Nunaanni inunngorsimasoq 175.000 koruuninik aningaasarsiaqartartoq – tassa minnerpaamik 15.000 koruuninik. 

Ukiuni pingasuni kingullerni qallunaat arnartaasa agguaqatigiissillugit aningaasarsiaat 13.000 koruuninik qaffariarsimapput, kalaallillu arnartaasa ‘aningaasarsiaat tamakkerlugit 7.000 koruuninik qaffassimallutik. 

Taamaattorli qallunaat kalaallillu arnartaat angutinut sanilliullugit aningaasarsiakinnerupput.

Allaaserisaq tamaat AG-mi saqqummeqqammertumi atuaruk, taanna uani pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER