Skip to main content

Qallunaat aalisartui puisinut qaasuttunut ikioqqupput

Puisit sigguttuut amerleriarujussuarnerisigut qallunaat aalisartut sumiiffinni arlalinni ulorinartorsiorput. Aalisartut taarsiivigineqaqqupput, avatangiisinulli ministeri taarsiissuteqarnissaminut piareersimanngilaq

Puisinit kaattunit qassutit aserortikkat aalisakkallu tingui suaallu kisiisa nerillugit kimmartinnikut. Qallunaat aalisartuinut puisit sigguttuut ajornartorsiuterujussuanngorsimapput. Puisit 1967-imiilli eqqissisimatitaasimagaluartut avatangiisinut ministeri puisinut immikkut qaninniartunut killilimmik piniarnissamut akuersissuteqaqqammerpoq.
– Ajunngisaarneq tamanna nuannaarutigaarput. Puiserpassuarnilli, aalisakkanik nerisunik qimarratsitsisunilluunniit, taamalu sinerissamut qanittumi aalisarnermik aseruisunik, ajornartorsiuterujussuup aaqqinnissaanut naammanngilluinnarpoq, bornholmimi aalisartut siulittaasuat Thomas Thomsen oqarpoq.
Bornholmi puisinik ajornartorsiuteqarfiunerpaat ilagaat. Ajornartorsiuteqarfiusut allat tassaapput Stevns, Kattegat aamma Limfjordip pulammagiaa.
Seniorforsker Jonas Teilmann, Institut for Bioscience-meersoq - Aarhus Universitetimi imarmiunik miluumasunik ilisimatusarfimmeersoq, oqarpoq Danmarkimi puisit ikilisarneqassappata ukiut 100-t matuma siornatigutut iliortoqartariaqartoq, taamanikkut puiserpassuit pisarineqartarsimammata, taanna isumaqarpoq. Aaqqiissutissarli tamanna isumaqatigineqarunanngimmat aalisartut neriuutigisariaqarpaat pinngortitamit ikiorneqarnissartik. Puisit amerleriarujussuaraangata oqaluttuarisaanikkut ukiut qulikkaarlugit 15-ikkaarlugilluunniit puisit nappaalalersarput, arlaleriarlugit affaannanngortittarsimallugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER