Skip to main content

Qallunaaq parnaarussaq qiiavoq sanigorsimallunilu

Russit parnaarussiviini pissutsit sakkortoorujussuupput, Amnesty International oqaluttuarpoq. Qallunaaq akerliuniaq suli Murmanskimi parnaarussaaqqavoq

Qaarsillarluni nerissanani, kissassimaarnissamut tippit ikippallaartut aammalu parnaarussivimmi paarsisunit parnaarussaaqatinillu nakuuserfigineqartarnerit.
Russit parnaarussiviini, soorlu qallunaap Greenpeace-meersup Anne Mie Roer Jensenip suli parnaarussaaqqaffiani, pissutsit sakkortuujupput, Amenesty Internationalimip vicegeneralsekretæria Trine Christensen oqaluttuarpoq.
– Russit parnaarussiviini parnaarussat pisinnaatitaaffeqanngillat. Russit suleqativut taama sakkortutigisumik allaaserinnipput, taanna oqarpoq.
Tallimanngormat Greenpeace-mit akerliuniat qularnaveeqqusiilluni iperagaanissaat eqqartuussivimmi itigartinneqarpoq. Anne Mie Roer Jensen akerliuniallu allat 29-t ulluni 60-ini tigummineqarallarput.
Trine Christensenip erseqqissarpaa Amnesty International Mumanskimi Sozi 1-imut, akerliuniat parnaarussaaqqaffiannut, tikeraarsimanngitsoq.
Russilli NGO-nit, eqqartuussissuserisunit parnaarussanillu ingerlatsiviup nalunngilai russit parnaarussiviini pissutsit qanoq ittuunersut.
– Parnaarussiviit maajunnarput. Parnaarussat nerisakippallaartarput kaattuaannarlutillu, tippillu atisallu tunniunneqartartut ikippallaaqaat kissassimaarnissamut.
DR-mi tusagassiortoq Matilde Kimer Mumanskimi eqqartuussinermi najuuppoq. Taanna oqaluttuarpoq Anne Mie Roer Jensen akerliuniallu allat sanigorsimasorujussuusut.
– Qiianarnersua maalaarutigaa, maanilu Mumanskimi qiianaqaaq. Apereersimavoq unnuakkullu 10 gradinik issittarpoq. Tamatuma saniatigut appelsiinamut qujavoq Greenpeacemi akerliunianit allanit pisimasaminut, taassumalu takutippaa nerisat qanoq ittuunerat, taanna DR-mut oqarpoq.
Tusagassiortorli malilllugu Anne Mie Roer Jensen ajunngippasippoq.
– Qungujulavoq uluaalu qalipaateqarput. Nukissaqarpasippoq, taanna oqarpoq.
Den Europæiske Menneskerettighedsdomstol-ip 2012-imi erseqqissaatigaa Ruslandip parnaarussivinni pissutsit malunnartumik pitsanngorsassagai.
Tamanna pivoq russip parnaarussap maalaarutigisimammagu inimio 15 kvadratmeterinik angissusilimmi 13-inik siniffilimmi allat 21-t ilagalugit parnaarussaaqqasimalluni.
Russit oqartussaasut ilaatigut peqquneqarput parnaarussat ineeraanni perusuersartarfiit asesrsorneqassasut, igalaani nettit issusuut peerneqassasut aammalu uffarfinnik amerlanerujussuarnik atugassaqartitsissasut.
Nakuuserneq naalliutsitsinerlu parnaarussivinni atugaasorujussuupput, pingaartumik politikkimik tunngavilimmik parnaarussat sakkortuuliorfigineqartarlutik, Trine Christensen oqaluttuarpoq. Erseqqissarpaali tamakkua Greenpeace-mit akerliunianut atorneqarpasinngitsut, russinit parnaarussanit pitsaanerusumik pineqarlutik.
– Qujanartumik nunanit tamalaanit malinnaaffigineqarnerat pissutigalugu ersissutigineqarsinnaasumit pitsaanerusumik pineqarput. Imaanngiarli parnaarussaaqqaneq nuannersuusoq, taanna oqarpoq.
Akerliuniat imaani ujajaasutut unnerluutigineqarput ukiullu 15-it angullugit parnaarussaasinnaallutik. Taamatut unnerluussaanissaq Greenpeacep naatsorsuutigisimanngilaa, Greenpeacemi issittumut akisussaasoq Jon Burgwald oqaluttuarpoq.
– Unnerluussinerit isumaqanngilluinnarput. Russit taamatut qisuariarnissaat siulittuutigiuminaalluinnarsimavoq, taanna oqarpoq.
Akerliuniarnissaq sioqqullugu Greenpeace qanoq pisoqarnissaanik arlalinnik takorluugaqarsimavoq. Imaanili ujajaasutut unnerluussaanissaq ilagisimanngilaat, issittumut akisussaasoq oqaluttuarpoq.
Oqaatigiumanngilaali qanoq qisuariartoqarnissaa naatsorsuutigisimaneritsik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER