ingerlaqqinnaveertoq

Qallunaaq niuiartoq Maniitsumiit ingerlaqqinnaveertoq

Torben Søbrikip Danmarkimeersup niuiarnermi kingorna Maniitsumit ingerlaqqinnaveerpoq. Angerlarniarluni angalanermut sillimmatini ilungersuutigaa.

Torben Søbirk (aappaluttumik kavaajalik) feeriarnermi nalaani. Assi ajoqusinnginnerani assilisaavoq.

75-inik ukiulik Torben Søbirk Danarmikeersoq Nunatsinni feeriartilluni juunip pingajuanni ajoquserpoq. Taamanili Maniitsumi napparsimmavimmiilerpoq, angerlarnissanilu utaqqivaa.

Ekstra Bladet taama allappoq.

- Tummeqqakkt nakkarami niora talerperleq napillugu kanaaralu marlunnik napillugu. Maanna sapaatip-akunnera qaangiuppoq, sulilu suliarineqanngilanga, Torben Søbirk, Ekstra Bladetimut taama oqarpoq.

Kingusinnerpaamik juulip 19-anni angerlarsinnaasoq.

Taassuma angalanermut sillimmasiisarfiata Europæiske Rejseforsikringip, Danmarkimut angerlarluni suliaritikkiartornissaanik isumaginnissimanngimmat taanna naammagittaalliortorujussuuvoq.

Kingusinnerpaamik juulip 19-anni angerlarsinnaasoq neriorsorneqarsimavoq - ajuttoorneranit sapaatip-akunneri marluk qaangiuttut.

Torben Søbirkip højskolertut angalaqatigitillugit ajoquserpoq. Højskolertut maanna ingerlaqqereersimalerput, taamaalillunilu maanna Maniitsumit angerlarnissani kisimiilluni utaqqivaa.

Ekstra Bladetip aamma Europæiske Rejseforsikring oqaloqatigisimavaa, taakku Torben Søbirkip angerlarnissaanut sapinngisartik tamaat iliuuseqarniarlutik neriorsuipput - kisianni Maniitsumit angallanneqarnissaa pissutigalugu ajornakusoortoqarpoq.

Powered by Labrador CMS