Qalipaasup inuunerminik sorsuutiginninneranik filmiliaq

Filmiliornermi ilitsersuisoq Anne Regitze Wivel, siusinnerusukkut Svend Auken pillugu piviusulersaarummik filmiliorsimasoq, filmimik piviusulersaarummik sakkortuumik allamik sananialerpoq.

Tassani pineqarpoq qalipaasoq Per Kirkeby, nakkarnermi kingorna qalipaatinik immikkoortitsisinnaajunnaarsimasoq, allaallu nammineq qalipakkaminik ilisarinnissinnaajunnaarsimalluni. Filmi piviusulersaarut ateqarpoq ´Mand falder´.

Inuunermut uteriartornera

Anne Regitze Wivelip Per Kirkeby, inuunerani piffimmi aalajangiiffiunerpaami, qanimut malinnaaffigisimavaa.

Kirkebymut aqqut takerpasissuuvoq, tassami eqqumiitsuliortumut apeqqutaaginnanngilaq kusanartumik iluatsilluartumillu qalipaasinnaanissaq, Kirkebymut pingaaruteqartoq tassaavoq nuannarisap qaangersinnaanissaa. Eqqumiitsuliortup qaangigassaq tamanna maqaasivaa. Filmimi inuunermut, asanninnermut eqqumiitsuliornermullu uteriartornera malinnaaffigineqarpoq.

Filmi takuteqqaarnissaa sioqqullugu immikkut takutinneqassaaq Nuummi novembarip 3-anni, Danmarkimilu filmertarfinni takutinneqartassalluni novembarip 11-anniit.