misileraalluni aalisarneq
Qalerallit: Qeqertarsuup Tunuani 38 tonsit pisarineqarput
Misileraalluni qaleralinniarnermi juulimi pisassat 250 tonsiupput
Qeqertarsuup Tununani misileraalluni qaleralinniarneq, juunip 14-ianni aallartinneqartoq, ingerlalluartorujussuuvoq.
Naalakkersuisut juulip 14-ianni Qeqertarsuup Tunuani sumiiffinni aalajangersimasuni misileraalluni qaleralinniarnissamut akuersissuteqarput, juulimut qaleralittassiissutit qaammat aallartiinnartoq nungunneqarmata.
Sumiiffinni tamakkunani 2013-imi misileraalluni aalisarnissaagaluaq maangaannarpoq.
Maannali Qeqertarsuup Tunuani umiatsiaararsortut 370-it ilaat sapaatip akunnerata siuliani sumiiffinni, Qeqertarsuup Tunuanit ungasinnerusuni, 38 tonsinik qaleralereersimapput. Taamatut paasissutissiivoq Aalisarnermut, Piniarnermut Nunalerinermullu Naalakkersuisoqarfimmi immikkoortoqarfimmi pisortaq Emanuel Rosing.
Tusagassiorfinnut nalunaarummi allassimavoq juulimi misileraalluni aalisarnermi pisassiissutit 250 tonsiutdut, aggustimilu aamma 250 tonsiullutik.
Misileraalluni qaleralinniarneq ingerlanneqarpoq umiatsiaararsortunit, ingerlatsivinni Qeqertarsuup Tunuani, Uummannami Upernavimmilu akuersissutilinnit, Ilulissanili, Qeqertarsuarmilu, Qasigiannguanilu, Aasiannilu Kangaatsiamilu najugalinnit.
Ingerlatsivimmi Qeqertarsuup Tunuani umiatsiaararsortut aalisarluarnerup nalaani sapaatip akunneranut qalerallit 200 tonsit pisarisarsinnaavaat, tusagassiorfinnut nalunaarummi allassimavoq.