Skip to main content

Qaleralittassat ukiup sinneranit maannamut aaneqarput

Qeqertarsuup Tunuani qaleralittassat juunip naanissaanoortut nungulluinnalerput. Naalakkersuisut aalajangerput ukiup sinneranut qaleralittassiissutigineqartut ilanngarlugit junimut ilanngunneqassasut.

Qeqertarsuup Tunuani umiatsiaararsorluni qaleralinniartut qaammatit kuartii tulliini pisassaat ilanngaqqillugit maanna pisassaasut ilaneqaqqipput.

Naalakkersuisut aqutsiveqarfimmut Qeqertarsuup Tunuanut umiatsiaararsortunut qaammatinut pingasunut pisassiissutigineqartut juunip 17-ianni naleqqussaavigai, qaleralittassiissutigineqartut nungulermata. Taamaalilluni aalisarneq ingerlaannassaaq, naalakkersuisut nittartakkaminni ataasinngornermi ilisimatitsipput.

Ukiup kuartiisa aappaanni aappassaat taama aaqqiisoqarpoq.

Naalakkersuisoqarfik 25. maj nalunaarpoq Qeqertarsuup Tunuani umiatsiaararsorluni qaleralinniarneq 29.05.22 unitsinneqassasoq.

Ullulli marluk qaangiutiinnartut, tassa aalisarluni atortut suli amuarneqanngitsulluunniit, aalajangerneqarpoq Qeqertarsuup Tunuani qaleralittassat 600 tonsinik ilaneqassasoq, sumiiffimmi aalisarneq unitsinneqartariaarulluni.

Qaleralittassiissutit ilassutigineqartut ukiup kuartiisa pingajuannit 300 tonsinngorlugit, sisamaanniillu 300 tonsinngorlugit aaneqarsimapput.

Qaleralittassat nalimmassarneqarnerannit Qeqertarsuup Tunuani ukiup kuartiisa pingajuanni pisassat 1390 tonsinngorput, ukiullu kuartiisa sisamaanni pisassat 393 tonsinngorlutik.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER