Skip to main content

Qaleralinnut akiitsuutip peerneqarnissaa IA-mi isumaqatigiinngissutaavoq

Inuit Ataqatigiit partiitut ineriartupiloorpoq, ilaasortaqarnermigut aammalu qinersisartunit tapersersorneqarnermigut taamaallaat pinngilaq, partiilli aamma tunngaviusumik naleqartitai nikeriartinneqarput, partiillu siulittaasorileqqitaata tunuarsimaarutiginngilaa partiini saamerliusutut aappaluttutut, avatangiisinik pingaartitsisutut qorsuttut aammalu inuussutissarsiutinik siuarsaarusuttutut tungujortutut taassallugu.

Suna tamarmi qillariinnarsiorfiunngilaq, tassami partiip alliartupiloornerata malitsigisaanik aamma isumaqatigiinngissuteqarsinnaanermut aarlerinartorsiorsinnaaneq annertunerulertoq, aviisi Sermitsiaq allappoq.

Inuit 80-it tungaannut amerlassusillit, tamarmik assigiinngitsunik tunuliaquttallit ataatsimeersuarneq tamakkingajallugu isumaqatigiinnerat annertoorujussuuvoq, tamakkingajaannarluguli.

Isumaqatigiinngissutigineqartutuat ilagaat aalisartut sinerissap qanittuani qaleralinniat akitsuummik akiliisarnerisa atorunnaarsinneqarnissaanik anguniagaqarneq, tassani pisuussutit uumassusillit uumaatsullu inuiaqatigiinnit pigineqarnerinik aammalu piujuaannartitsinissaq najoqqutaralugu atorneqarnissaannik partiip naqissusiisimanera tunngavigineqarluni assigiinngitsunik sammiveqartoqarmat.

Ineqarnermut, attaveqaqatigiinnermut, aatsitassanut, inatsisit atuutsinneqarnerannut naligiissitaanermullu Naalakkersuisoq, Naaja H. Nathanielsen misiliigaluarpoq piumasaqarluni sinerissap qanittuani qaleralinniat nangittumik akitsuummik akiliisassasut (tunisat nalingisa 4 procentiannik) taakkumi qaleralinnik inuiaqatigiit piinik atuisuummata.

Taamaattorli Naalakkersuisuni suleqataa, aalisarnermut piniarnermullu Naalakkersuisoq, Aqqaluaq Biilmann Egede (IA) erseqqissaateqarpoq eqqaasitsillunilu partiip qineqqusaarnermini aammalu kingusinnerusukkut naalakkersuisooqatigiilersut isumaqatigiissutaanni neriorsuut qimanneqaannarsinnaanngitsoq timitalerneqartariaqartorli.

Aviisimi Sermitsiami atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER