Qaleralinnik aalisarneq pillugu politikikkut iliuuseqartoqarnissaa GrønlandsBankenimit neriuutigineqarpoq

Avannaani qaleralinnik aalisarnerup ajalusoornissaa pinngitsoortinniarlugu piujuartitsineq tunngavigalugu Naalakkersuisut pilersaarusiortariaqarput, GrønlandsBankenimi pisortaq Martin Kviesgaard isumaqarpoq.

Inuussutissarsiutinik nammineqpigineqartunik pitsaasumikineriartortoqartinnagu, KalaallitNunaanni aningaasaqarnikkutsiuariartoqarsinnaanngilaq, taamakisumaqarpoq. Grønlandsbankenip pisortaaMartin Kviesgaard oqarpoq.– Pingaarnerpaaq tassaavoq 2021-miqaammatini kingullerni sanaartornernut,aalisarnermut aamma angalatitsisunutakornusersuisoqannginnissaa, oqarpoq.

Nunarsuup oqaluttuarisaanerani siullerpaamik aatsaat aalisarneq ajalusuussanngilaq. Avannaani sinerissap qanittuani qaleralinniarneq biologit inassuteqaatigisaat qaangerujussuarlugu ingerlavoq. Ineriartornerlu taanna aarlerinartoq tassaavoq GrønlandsBankenimit killormut saatsikkusunneqartoq.

Aviisi Sermitsiaq taama allappoq.

Sinerissap qanittuani kalaallit aalisarnerat, ingammik qaleralinnik, qunnersuarmut ingerlavoq, aamma ajalusoornissaa aarlerinaateqarpoq, GrønlandsBanken taamak isumaqarpoq. Taamaattumik sinerissami qanittumi aalisartunut nutaanut aningaasaateqarfiup umiatsiaaqqanut aamma aalisarnermut atortunut aningaasaliissuteqartarneq suli itigartitsissutigisarpaa, piujuartitsinermik tunngaveqanngimmat.

- Soorunami aalajangerneq tamanna atatiinnarparput Naalakkersuisut piujuartitsineq tunngavigalugu iluuseqarnermik takutitsinissaasa tungaanut. Aalisarneq pillugu Ataatsimiititaliarsuaq inassuteqaatiminik saqqummiussereerpat naatsorsuutigisariaqarpoq arlaannik takkuttoqarnissaa, aningaaseriviup pisortaa Martin Kviesgaard, Sermitsiamut oqarpoq.

Taamaattorli upperinngilaa Naalakkersuisut Inatsisartunit tapersersorneqarlutik sinerissap qanittuani aalisarneq pillugu ingerlaannartumik annertoorujussuarmik pilersaarusiorsinnaanerat, tamakkerluni ataatsikkut atuutilersinnaasumik. Kisianni Namminersorlutik Oqartussat piffissaq ungasinnerusoq eqqarsaatigalugu biologiskiusumik, aamma aningaasaqarnikkut piujuaannartitsineq tunngavigalugu aalisarnermut pilersaarusiorsinnaasut pisortaq isumaqarpoq.

- Allanngortitsinerit tamakkerlugit piviusunngortinneqarnissaannut ukiut arlallit ingerlasinnaapput. Kisianni takusinnaasariaqarparput aalisartunut nutaanut taarsigassarsititseqqittalernissatsinnut sinerissap qanittuani aalisarneq piujuaannartitsineq tunngavigalugu ingerlanneqartoq, Martin Kviesgaard oqarpoq.

Aviisimi Sermitsiami atuarnerugit:

Powered by Labrador CMS