Qaleralinniarneq: Qeqertarsuup Tunuani aalisarneq matuneqaqqippoq
Qeqertarsuup Tunuani sinerissap qanittuani umiatsiaaqqamik qaleralinniarneq matuneqaqaqqissaaq marlunngorpat.
Aqutsiveqarfimmi Qeqertarsuup Tunuani qaleralinniarneq ulluni qulini ammatinneqareerluni matuneqaqqippoq.
Aalisarnermut Naalakkersuisoqarfik tusagassiutinut nalunaarummi allappoq.
- Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Qeqertarsuup Tunuani sinerissap qanittuani umiatsiaaqqanut martsimi qaleralittassiissutit nungunneqalermata aalisarneq matuneqassasoq ulloq 23.03.2021, nalunaarutigineqarpoq.
Novemberimi decembarimilu pisassiissutit sinneruttut ammarneqarnissaat partiini siulittaasunit isumaqatigiissutigineqarpoq. KNR.gl-ip paasissutissaatai naapertorlugit qaammammi martsimi 225 tonsinik qaleralittassiisoqarpoq. Aalisartut ulluni qulini pisassiissutigineqartut qaqippaat.
Ammaassineq matuseqqinnerlu
- Umiatsiaararsorluni qaleralinniarneq marsip arfineq aappaani matuneqarpoq
- Qaleralinniartoqaqqissinnaanngorpoq marsip 13-ani
- Qaleralittassiissutit nungunneqalermata aalisarneq matuneqassasoq marsip 23-ani.
Aalisarneq ammaqqinneqassaaq ulloq 1. april 2021, ilisimatitsissutigineqarpoq.