Skip to main content

Qaleralinniarneq pisassiissutit nungoreeraluartut ingerlatiinnarneqartoq

Qeqertarsuup Tunuani qaleralittassiissutit oktobarip aqqaneq-aappaanili sinnerneqareeraluartut, qaleralinniarneq ingerlatiinnarneqarpoq. Tassa sumiiffimmi ukiumut tamarmut pisassiissutigineqarsimasut tamakkerlugit pisarineqarsimalereerput.

Qeqertarsuup Tunuani sineriammut qanittumi qaammammi matumani qaleralittassiissutit oktobarip aqqaneq-aappaannili tamakkerlugit pisarineqareeraluartut suli aalisartoqarluarpoq.

Tassa ukiup sinneranut pisassiissutit nungunneqareerput, maannalu ukiumut pisassiissutit tamarmiusut pisarineqareeraluartut aalisarneq ingerlatiinnarneqarpoq.

Oktobarimi pisassiissutit pisarineqarsimasullu tonsinngorlugit:

Kisitsisit nutaat takutippaat oktobarimi 467 tonsit pisarineqarsimasut. Tassa oktobarimut pisassiissutigineqarsimasunit 325 tonsiusunit amerlanerusut. 

Qaammammut pisassiissuteqartarnissap atuutsinneqalernissaa aalajangiunneqarsimagaluartoq,  Aalisarnermut, Piniarnermut Nunalerinermullu Naalakkersuisoq aalajangersimavoq aalisarneq unitsinneqassanngitsoq.

Umiatsiaararsortunut qaammammut pisassiissuteqartarnissaq 2014-imi januaarip aallaqqaataani atuutsinneqalerpoq. Naalakkersuisut naapertorlugit, siunertarineqarluni aalisartunut, tunisassiortunut suliffeqarnermullu ukioq naallugu iluaqutaasussamik pisassiissutinik atorluaasoqarnissaa.

Taamatut inissisimasoqarnera attanneqarsinnaanngitsoq

Aalisarnermut Piniarnermullu Naalakkersuisoqarfimmi pisortap Jørgen Isak Olsenip Sermitsiaq.AG-mut oqaluttuaraa, ukioq manna aalisarnermut aaqqiissutissarsiorluni sulisioqartoq.

Pissusiviusut

Sineriammut qanittumi umiatsiaararsorlutik qaleralinniartartunut pisassiissutit qaammammut pisassiissutinngorlugit ukiut tamaasa agguarneqartarput.

Qaammatip siuliani pisassiissutit tamakkerneqarsimanngippata, pisarineqanngitsoortut qaammatip tulliani pisassiissutinut ilanngunneqassapput. Akerlianik qaammammi pisassiissutit sinnerlugit pisarineqarsimasut annertoqqatai, qaammatip tulliani pisassiissutinit ilanngaatigineqassapput.  

- Naalakkersuisup piumasarisimavaa aalisarneq unitsissanngikkipput, taamatulli inissisimasoqarnera pillugu isummernissamut tunngavissamik suliaqaqqusimavaatigut, ukiullu sinnerani susoqarnissaanut siunnersuusioqqulluta, taanna oqarpoq.

Naalakkersuisoqarfimmi pisortap ilisimatitsissutigaa, isummernissamut tunngavissiaq ataasinngorpat Naalakkersuisumut tunniunneqassasoq, sapaatillu akunnerani pineqartumi suliarineqassasoq.

- Innersuussutiginiarpartput isummernissamut tunngavissiaw piaarnerpaamik suliarineqassasoq, pisassiissutinummi tunngatillugu taamatut inissisimasoqarnera attanneqarsinnaanngilaq, Jørgen Isask Olsen oqarpoq.

Oktobari sioqqullugu pisarineqarsimasut, ukiup sinneranut pisassiissutinit ilanngaatigalugit:

Qeqertarsuup Tunuani pisassiissutit novembarimi 100 tonsit decembarimilu 100 tonsit .

Uummannami pisassiissutit novembarimi 171 tonsit decembarimilu 171 tonsit.

Upernavimmi pisassiissutit novembarimi 274 tonsit decembarimilu 274 tonsit.

Qeqertarsuup Tunuani umiatsiaararsortunut aalisariutinullu 2020-mi qaleralittassiissutigineqarsimasut Pinngortitaleriffiup inassuteqaataanit 59 procentimik annertunerusimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER