Naatsorsueqqissartarfik

Qaffasissumik ilinniagallit amerliartorput

Innuttaasut ilinniagaqassusaata qaffasissusaata qafffassarneraqarnera ingerlalluarpoq. Tamanna Naatsorsueqqissaartarfiup nalunaarusiaani saqummiunneqaqqammertumi erserpoq.

Uddannelsesniveauet går støt fremad.
Uddannelsesniveauet går støt fremad. Polfoto/Jesper Nørgaard Sørensen Uddannelsesniveauet går støt fremad. Polfoto/Jesper Nørgaard Sørensen

2016-ip naanerani innuttaasut 16-it sinnerlugit ukullit 38,2 procentii meeqqat atuarfiannit qaffasinnerusumik ilinniagaqarsimasuupput.

Ukiut qulit ingerlanerini 2,6 procentimik qaffariaat

Inuit 5.156-it ingerlariaqqiffiusumik ilinniarnernik qaffasinnerpaatut ilinniagaqarsimapput. Procentinngorlugu innuttaasut 16-it sinnerlugit ukiulinni annertussusaat 12,1 pct.-iuvoq, tamannalu ukiut qulit ingerlanerini 2,6 procentpoint-inik qaffariarneruvoq.

Ukiumi pineqartumi katillugit inuit 11.143-t ilinniarnertuunngorniarfinni, inuussutissarsiornermi ilinniarfinni imaluunniit qaffassarluni pikkorissarnernik qaffasinnerpaamik ilinniagaqarsimapput. Procentinngorlugu innuttaasut 16-it sinnerlugit ukiulinni annertussusaat 26,1 procentiuvoq, ukiullu qulit ingerlanerini 4,8 procentpointinik qaffariarnerulluni.

Ingammik arnat, inuit ingerlariaqqiffiusumik ilinniaqarsimasut misissuiffigineqarnerini malunnaateqarnerupput. Angutit arnallu agguarnerini arnat 56,2 procentiuvoq, angutillu 43,8 procentiinnaallutik.

Arnat ilinniarluarsimanerusut

Arnat ingerlariaqqiffiusumik ilinniaqalersartut amerlanersaat peqqinnissami, atugarissaarnermi aammalu ilinniartitsisutut ilinniagaqarsimapput. Angutillu ilinniartitsisunngorniarnermi professionsbacheloritut, illuliassanik titartaasartutut illuliortaatsimi, sanaartornermi, ingeniøritut aammalu teknikkimi ilinniagaqarsimapput.

30-44 akornanni ukiullit amerlanerit meeqqat atuarfianiit qaffasinnerusumik ilinniaqarsimapput. Allaaserisap ataani grafit 2006-miit 2016-mut ukiut malillugit immikkoortinneqarnerini nikigassutaat takukkit.

Færre ældre på folkeskoleniveau

Ukiut qulit matuma siorna 65-niit qummut ukiullit 95,9 procentii taamaallaat meeqqat atuarfianni atuarsimapput. Ukiullu qulit ingerlanerini kisitsi taanna allannguuteqangaatsiarsimavoq tassa 86,5 procentiinnanngorsimalluni.

Naatsorsuinerit ataani takukkit

Powered by Labrador CMS