kukkunersiuineq
Qaasuitsup Kommuniani missingersuut ajorpoq
Naak Qaasuitsup Kommuniani isertitarineqartut missingersuutigineqarsimasuniit amerlanerungaluartut aningaasartuutit amerlanerulersimapput. KNR allappoq.
Isumaginnittoqarfimmi missingersuusiorsimaneq ajornerpaavoq.
- Pingaarnerpaatut tikkuartariaqarput inunnik isumaginninnermi aamma meeqqanut inuusuttunullu ikiorsiissutinik katillugit 19 millioner koruuninik atuinerunissarput. Kiisalu aamma utoqqarnut 8,5 millioner koruuninik atuinerunissarput naatsorsorneqarsimalluni, Qaasuitsup Kommuniani kommunaldirektør, Hans Eriksen KNR-imut taama oqarpoq.
Tusagassiorfik innuttaasunik kiffartuussisoq paasissutissiivoq, isumaginnittoqarfimmi missingersuut 35 million koruuninik sinnerneqarsimasoq saniatigullu allaffissornermut atugassatut missingersuutit 16,5 millioner koruuninik sinnerneqarsimallutik.
Atuarfeqarfinnut eqquisoq
KNR naapertorlugu, amigartoorutissat ikilileriffiginiarneqarneranni sanaartugassat annertuut marluk unitsinneqarput tamatumalu saniatigut atuarfeqarfik 4 million koruuninik sipaarfigineqarluni, taamaakkaluartoq 2017-imut amingaatoorutit 37 million koruuniussapput.
Amigartooruteqarneq kommuninngortussanut nutaanut, Avannaata Kommunianut aamma Kommune Qeqertalimmut, sunniuteqassapput
- Qaasuitsup Kommuniani aqutsisut taamatullu borgmesterip missigersuutinik taama ajortigisunik inerniliineri paasiuminaappoq, Kommune Qeqertalimmi borgmesterinngortussaq, Ane Hansen KNR'mut oqarpoq.