Skip to main content

Qaasuitsup Kommunia nutaamik pisortaanertaarpoq

Qaasuitsup Kommuniani pisortaanerusimasup tassanngaannaq 2014-imi unereernerata kingorna kommuunit avannarlersaata Hans Eriksen pisortaanertut atorfinitsippaa

Qaasuitsup Kommuniata borgmesteriata, Siumumeersup Ole Dorphip, isumalullunilu uumisulluni siorna septembarip pingajuani Sermitsiaq.AG-mit apersorneqarluni oqaluttuarerusunngilaa sooq Lars Lennert-Sandgreen (ullumikkut Lars Sandgreen) ukioq ataasiunngitsorluunniit Qaasuitsup Kommuniani pisortaanertut sulereerluni tassanngaannartumik atorfimminit tunuarnersoq.

Maanna borgmesterip ilisimatitsissutigaa Qaasuitsup Kommuniani kommunalbestyrelsip sisamanngornermi ataatsimiinnermini aalajangersimagaa Hans Eriksen pisortaanertut atorfinitsinniarlugu. Atorfinitsitsinerlu aamma atorfinititsisarnermut ataatsimiititaliap innersuussinera tunngavigalugu atorfinititsineq pisimasoq nalunaarutigalugu.

Hans Eriksen siorna augustimiilli pisortaanertut atorfeqarallartitaasimasoq, erngiinnartumik atorfimmut ivertinneqartoq, Ole Dorph ilisimatitsivoq.

Atuaruk: Ole Dorph uumisuttoq: Lars Lennert-Sandgreen atorfimminit soraarpoq

Hans Eriksen Qaasuitsup Kommuniani ilinniartitaanermut atuartitaanermullu pisortaanertut 1. marts 2010 aallarnerfigalugu sulilerpoq, tamannalu sioqqullugu atuartitaanermut sunngiffimmilu sammisassaqartitsinermut fagchefitut sulisimavoq, kiisalu Atuarfik Jørgen Brønlandimi 1990-imiit atuarfimmi pisortaasimalluni.

Atuaruk: Lars Lennert-Sandgreen pillugu nipangiussineq

Kommuunip avinneqarnissaa Ilulissat mittarfiat
- Taamaalilluni kommunalbestyrelsi pisortaanertaarpoq siammasissumik patajaatsumillu sulianut ilisimasaqarluartumik kiisalu inummik misilittagaqarluartumik qaffasissumik inissisimasussamik, kommunip ingerlanneqarneranut nalunngisaqarluartumik, Ole Dorph tusagassiuutinut nalunaarummini taama naliliivoq.

Imalu itisiliivoq:

- Kommunalbestyrelsip qularutiginngilaa, kommunalbestyrelsi kiisalu kommunip allaffissornikkut aqunnera eqqarsaatigalugit matumuuna qaffasissumik qularnaarneqartoq, aningaasanut missingersuusiat kiisalu aalajangikkat pillugit akisussaassuseqarluartumik suliarineqartarnerat naammassineqartassasoq, taamatuttaarlu kommunalbestyrelsip kissaatigisaa, kommunip avinneqarnissaanut tunngassuteqartoq kiisalu Ilulissani timmisartoqarfiup allineqarnissaanut tunngassuteqartoq salliutillugit isumagineqarumaartut, Naalakkersuisunut ingerlatitseqqinnissaq eqqarsaatigalugu, taamatuttaarlu kommunimi innuttaasut kittartuunneqarnerisa ineriartortitsivigeqqinnissaat eqqummaariffigineqassasoq kiisalu Qaasuitsup Kommuniani inuussutissarsiornikkut ineriartortitsineq aamma eqqummaariffigineqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER