kommunit avinneqarnerat
Qaasuitsup kommunia avinneqalerpoq
Avannaani kommuunerujussuaq marlunngorlugu avinneqarnissaa Inatsisartut amerlanerussuteqartut akuersissutigaat
Avannaani illoqarfiit uku kommuneqatigiilissapput: Ilulissat, Upernavik, Uummannaq Qaanaarlu. Kommunip aappaani: Qasigiannguit, Qeqertarsuaq, Aasiaat Kangatsiarlu.
Kommunit marlunnut avinneqarnerini taamatut agguataarinnittoqarnissaa Naalakkersuisut kommunillu siunnersuutiginikuuaat.
Atuaruk: Kommunip avinneqarnissaa Naalakkersuisut kinguartissinnaavaat
Avinneqarnissaanut aningaasaliissutit
Kommuni marlunngorlugu avinneqarnissaanut aningaasanut inatsimmi aningaasaliiffigineqarpoq. Aappaagu 5 mio. koruuninik 2018-milu 3 mio. koruuninik.
Naalakkersuisut siulittaasuata Kim Kielsenip oqaatiginikuugaluarpaa kommuninit avinneqarnissamut aningaasartuutit namminneq isumagissagaat.
Demokraatit kisiartaallutik siunnersuummut akerliupput.
Atuaruk: Avannaani kommunit avinnerannut arlaannaaluunniit akileerusunngiaq