Qaasuitsoq
Qaasuitsup Kommunia 1. januar 2018-imi avinneqassaaq
Kommunit pilersinneqartussat nutaat marluk avinnermut namminneq akiliissapput – tamannalu akisussaaq
Nunarsuarmi kommunit annersaat, Qaasuitsup Kommunia, januaarip aallaqqaataani 2009-mi pilersinneqartoq, ukiuni qulingiluani atuutereerluni januaarip aallaqqaataani 2018-imi nunap assinganiikkunnaassaaq.
Tamatumunnga taarsiullugu kommunit minnerumaat marluk pilersinneqassapput: Kommuni Qeqertarsuup Tunuaniittoq illoqarfittaralugit Kangaatsiaq, Aasiaat, Qeqertarsuaq aamma Qasigiannguit kommunilu qaleraleqarfimmiittoq illoqarfittaralugit Ilulissat, Uummannaq, Upernavik aamma Qaanaaq.
Atuaruk: Kommunip avinnissaa nalornineqaqqilersoq
Piaartumik tusarniaaneq
Naalakkersuisut kommunip avinneqarnissaanik inatsisissatut siunnersuut piaartumik tusarniaassutissatut nassiussimavaat, ilaatigut kommuninut ullumikkut sisamaasunut, tamatumalu kingorna inatsisissatut siunnersuut iluarsartuussaq Inatsisartut ukiakkut ataatsimiinneranni oqaluuserineqartussatut nalunaarutigineqassalluni.
Qaasuitsup Kommuniata avinneqarnissaa akisuujussaaq – 2017-imi avinneqarnerani kommunalbestyrelseqarlunilu ikaarsaariarnermi ataatsimiititaliaqassaaq marlunnik kommunimi politikerit katillugit 53-it peqataaffigisaannik, kingornalu 2018-imiit kommunit marluk tamarmik immikkut borgmestereqartut, kommunaldirektøreqartut allaffissornermillu ingerlatsiveqartut.
Atuaruk: Qaasuitsoq: Kommunep avinnissaa amerlanerussuteqarluartut taperserpaat
Aningaasatigut kingunissat Sermitsiami atuakkit