Aalisarneq
Qaasuitsumi qassusersorluni qaleralinniarneq sivitsorneqartoq
Qaasuitsup Kommuniani qassusersorluni qaleralinniarneq maajip naanerata tungaanut sivitsorneqarpoq
Qaasuitsup Kommuniani qassusersorluni qaleralinniarneq qaammammik ataatsimik sivitsorneqarpoq.
Qassusersorluni qaleralinnik aalisarneq kommunip ileqqoreqqusaani aalajangersarneqarpoq apriilip 30-ani naanissaa, kisianni ukiuunerani sikuunerata qassusersorluni aalisarfissaasimanngilaq.
Qaasuitsup Kommuniani kommunalbestyrelsip taamaammat aalisartut piumasaqarnerisa kingorna, qassusersorluni aalisarnerup sivitsorneqarnissaa aalajangiussimavaa.
Aalisarnermut, Piniarnermullu Naalakkersuisup Karl-Kristian Krusep saaffiginnissut nalilersorluareerlugu, Qaasuitsup Kommuniani qassusersorluni qaleralinnik ileqqoreqqusap allannguuteqartinneqarnissaa aalajangerpoq, Namminersorlutik Oqartussat tusagassiuutinut nalunaarummi allapput.
- Tamannali pitinnagu maanna ileqqoreqqusami atuuttumi piffissarititaasup qimmorneqarnissaa aalajangiilluni taamaasillunilu Qaasuitsup Kommuniani qaleralinnik qassusersorneq maajip 31-iata 2017 tungaanut pisinnaalerluni, tusagassiuutinut nalunaarummi tamanna allaqqavoq.