kommuninut qinersineq 2017

Qaasuitsoq Kujallermi inuussutissarsiorneq nukittorsarniaraat

Inuussutissarsiornikkut nukittorsaaneq aamma qanimut oqartussaaqataaneq Qaasuitsoq Kujallermi Inuit Ataqatigiit aamma Siumup isumaqatigiissutaanni pingaarnerit ilagaat

Ane Hansen, IA, stemmer, folketingsvalg 2015, Aasiaat

Inuussutissarsiorneq arlalitsigut nukittorsarneqassaaq. Inuit Ataqatigiit aamma Siumut isumaqatigiissuteqarnermikkut Qaasuitsoq Kujallermi nutaami tamakku sulissutiginiarpaat.

Atuaruk: Avannaani isumaqatigiinnginneq - Ane Hansen borgmesterinnguinnassaaq

Kommunip illoqarfii nunaqarfiilu tamarmik nutaamik pilersaarusiorneqassapput, inuutissarsiornermi suliffeqarfinnik namminersortunillu allanik annertusaaffigissallugu orniginartuunissaa siunertaralugu. Kommunip sanaartugassanut tunngasunik akisussaanerulernissaa tassunga atatinneqassaaq.

Atuaruk: Otto Jeremiassen borgmesterimut sinniisunngorpoq

Qasigiannguani erngup nukinganik nukissiorfiliassaq pilertornerusumik suliarineqalernissaa anguniarneqassaaq, Aasiaat Kangaatsiaq taakkulu nunaqarfiisa iluaqutissarsiffigisinnaasaat ilangullugu.

Atuaruk: Otto Jeremiassenip borgmesterip sinniisuatut toqqarneqarnera isumaqatigiissutaasoq

Isumaqatigiissuteqartut tamatuma saniatigut illoqarfinnut nunaqarfinnullu annertunerusumik akisussaaffiliiniarput. Illoqarfinni tamani innuttaasunik sullissinerup pitsaanerpaamik ingerlanneqarnissaa siunertaralugu allaffissornermi ingerlatsiviit aningaasanik namminneq aqutaqarlutik aalajangiisinnaalernissaat. Nunaqarfinni Aqutsisut aamma aningaasanik namminneq aqutaqalerlutik namminiissapput.

Partiit malunnaatilimmik aamma meeqqanut, inuusuttunut innarluutilinnullu sullissineq pitsanngorsarniarpaat; taakku maannamut kommuniusumi isornartorsiorneqaqattaarnikuupput.

Powered by Labrador CMS