Skip to main content

Qaasuitsoq børnehjemimik pilersitsilerpoq

Kommunalbestyrelsimi ilaasortap Kristian Jeremiassenip (S), Qasigiannguani ulloq unnuarlu paaqqinnittarfimmik pilersitsisoqarnissaanik akuersisoqarnera nuannaarutigaa

Qaasuitsup Kommunia ukiut arlaqanngitsut qaangiuppata Qasigiannguani ulloq unnuarlu paaqqinnittarfimmik pilersitsissapput, kommunimit ingerlanneqartussamik.

Avannaani kommunip meeqqat aamma inuussuttut aappaagu annertuumik pingaartinniarlugit kissaatiginerarpaa, taamaattumillu ilaatigut børnehjemmit tungaatigut nukittorsaaniarput.

Qaasuitsumi atugarliorneq eqqumaffigineqartoq
Qaasuitsumi kommunip børnehjemiutai amerlanerulerpata, meeqqat peerneqassappata angajoqqaaminnit ungasissumut inissinneqannginnissaat pinngitsoortinneqassammat.

Aamma atuaruk: Kujataanit Qasigiannguanut suliartortut

Aasaasorli MIO-p meeqqanit illersuisua, Aviâja Egede Lynge, kommuni innuttaasuinut minnerit inuunerissuutinnissaannik qulakkeerinninnissaa sammillugu isornartorsiuisaqattaarpoq. 

Atuaruk: Perorsaasut ilinniartitsisullu meeqqat illersuisuat taperserpaat

Kommunalbestyrelsip inissisimaffimmik toqqaaneq nuannaarutigaa.

Qasigiannguit meeqqat ilorrisimaarlutik inuunissaannut najugassaqqittutut isigineqartarpoq. Illoqarfik efterskoleqareerpoq aamma toqqissisimasutut qajannaatsutullu ilisimaneqareerluni, isumaginninnermi ataatsimiititaliami siulittaasoq Kristian Jeremiassen (S) tusagassiorfimmut nalunaarummi oqarpoq.

Pitsanngorsaasoqalerpoq
Kommunimit aamma nalunaarutigineqarpoq, meeqqanut tunngasumik sulinermi pitsanngorsaasoqalertoq.

Aamma atuaruk: Nuummi meeqqat angerlarsimaffiat nutaaq

Meeqqanik sullissineq arlalitsigut aamma 2016-imi ilaqqinneqartussaavoq aamma sulisut meeqqanik sullissinerminni sukkasuumik ilinniagarlu aallaavigalugu sullissinerminni sakkussaminnik amerlanerusunik pissarsitinneqartussaassapput, kommuni allappoq.

Atuaruk: Meeqqat atugarliornerannut Danmark ikiuunnissaminut piareersimasoq

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER