Skip to main content

Qaarusummi ingeniøri: Kalaallit Nunaat nammineerluni aningaasarsiussaaq

Orbicon Grønlandip qaarusummi ingeniørimik atorfinitsitseqqammerput, atorfittaartup aatsitassarsiorfinni sulinerit ineriartorteqqissavai

Qupanuk Egede 28-nik ukioqartoq Orbicon Grønlandimi atorfineqqammerpoq. Orbicon Grønlandimi qaarusummi ingeniørit siullersaraat. 

Qupanuk Egede Aarhusimi bygningsingeniøritut ilinniarnikuuvoq maannakkullu Western Australian School of Minesimi civilingeniøritut kandidatitut ilinniarnermini naammassilerluni. 

Suliaqaqatigiit atuagassiaat Ingeniørenimi Qupanuk Egede pillugu saqqummeeqqammerpoq, tassani Qupanuup qaarusuit pillugit eqqarsaatai marluk saqqummiunneqarput:

' Malunnarluinnarpoq aatsitassarsiorfiit pillugit soqutigisaqarluinnartoq. Aatsitassarsiorfinni qaarusuit qanoq ittuuneri pillugit ilisimasarpassuaqarpoq, ilisimasanilu siammartikkusullugit. Kalaallit Nunaata nammineernerujartuinnarnera soqutigisaasa aapparaat'. 

- Kalaallit Nunaat nammineerluni aningaasarsiussaaq. Aatsitassarsiornermi isertinneqartut tapisiaqarnermut tapertaassapput, Qupanuk Egede Qaqortumeersoq Ingeniørenimut oqarpoq. 

- Oqaatsinik pingasunik oqalussinnaavunga: tuluttut, qallunaatut kalaallisullu, oqaatsinilu taakkunani nassuiaallaqqillunga. Aatsitassarsiorneq pillugu siunissami kalaallinut ilinniartitsinermi peqataarusuppunga, Qupanuk Egede oqarpoq. 

Qupanuk Egedep Ingeniørenimi ilisaritinneqarnera uani takuneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER