Qaartoqareersoq: Niviarsiaraq 14-nik ukiulik Danmarkiliaanneqarpoq
Sisimiut eqqaanni Sarfannguit kitaanut qaangerlugu illuaqqami qaartoqarnerani niviarsiaraq uutsiterujussuartoq Danmarkiliaanneqarpoq
Illuaqqami qaartoqareerneratigut niviarsiaraq 13-nik ukiulik toquvoq, niviarsiaqqap aappaa, 14-nik ukiulik, uutsiterujussuarluni.
Politiinit Camilla Palmann Sermitsiaq.AG-mit aperineqarpoq, niviarsiaraq 14-nik ukiullip peqqissusaa qanoq innersoq.
- Danmarkiliaanneqarpoq, peqqissusaa qanoq innersoq ilisimatinneqanngilagut, oqarpoq.
Illuaqqamukaqataasoq inersimasoq suli pisoq pillugu apersorneqarsinnaasimanngitsoq ilisimatitsissutigaa.
Pisoq suli misissuiffigineqarpoq.
- Sisimiuni politiit pisumut misissuinermut ikiorneqassagunarput, aamma Danmarkimit politiinut suliaq pillugu misissuisoqassaaq, Camilla Palmann oqarpoq.